فراه ولایتی ولایت کینگشی نینگ بیر قنچه اعضالری، ولایتده‌گی جنگری طالبلر روسیه‌نینگ زمانوی قورال اسلحه‌سی بیلن جهازلنگن دیگنلر. اولر، روسیه ایران آرقه‌لی بو زمانوی قورال اسلحه‌نی جنگری طالبلرگه ییتکزیب بیرگن لیگینی ادعا قیلگنلر.
سلام‌وطندارگه صحبت بیرگن ولایت کینگشی نینگ باشلیغی جمیله امینی، افغان ملی کوچلری مقابلیده اوروش آلیب باره دیگن دولت قوراللی مخالفلری روسیه‌نینگ زمانی قوراللری بیلن جهازلنگنلر دیدی. خانه‌دانلری ایران‌ده بولگن عایله‌نینگ اعضالری ایران حکومتی تامانیدن بو مملکتده قانونی قالیش اوچون قوراللنیب افغان ملی کوچلری بیلن اوروش قیله‌دی.
قوراللی طالبلرنی روسیه نینگ زمانوی قورال – اسلحه بیلن جهازلنگن لیگینی تصدیق یا رد قیلمه گن ولایت والیسی نینگ سوزلاووچیسی ناصرمهر، ولایتده‌گی اخیرگی اوروشلرده طالبلر ایران و روسیه حمایتیدن فایده لنگنلر دیگن.
شونینگدیک جناب مهری، ولایتده‌گی سونگی اوروشلرده افغان ملی کوچلریدن کوره قوراللی طالبلر کوپراق حربی انجام صرفله‌گنلر دیگن. بو ایش ایسه جنگری طالبلر قوشنی دولتلر حمایتلریدن برخوردار ایکن لیگینی کورسته‌دی.
عصیانچی طالبلرنی زمانی حربی جهازلر بیلن تجهزلنگن لیکلرینی اعتراف قیلگن فراه امنیه قوماندانی توریالی عبدیانی، بو حربی اوسکونه‌لرنی جنگری طالبلر قیسی مملکتدن قولگه کیریتگن لیگی انیق ایمس دیگن.
فراه پولیس قوماندانی، اوشبو حربی قورال – ییراقلر کلاشینکوف، 82ملی متر اوزن لیگی بولگن توپ اوقی، راکت انداز وباشقه جهازلردن عبارت ایکن لیگی‌گه اشاره قیلگن.
لیکن، ایران نینگ مملکت غربیده‌گی تورت ولایت مسوولیتی ذمه سیده بولگن هرات‌ده‌گی وکالتخانه‌سی فراه محلی مسووللری‌نینگ بو قبیل ادعالرینی رد قیلگن.
بوندن آلدین اهم افغانستان‌ده‌گی قوراللی طالبلر روسیه تامانیدن حمایت بولیشی حقیده گزارشلر نشر ایتیلگن ایدی. شونینگدیک رسمی مسکونینگ افغانستان‌ده‌گی ایلچیسی الکساندر منتیتسکی، بو مملکتده‌گی دیپلوماتلری امنیتی تامین بولیشی اوچون قوراللی طالبلر بیلن علاقه قورگنلیکلرینی تصدیق ایتگن ایدی. بیراق، جنگری طالبلرگه هیچ قنده‌ی حربی جهاز همکارلیک بولمه‌گن دیگن ایدی منتیتسکی.
