جوزجان محلی مسوول‌لری نینگ سلام‌وطندارگه ایتیشیچه، طالبان گروهی کرونا ویروسی‌گه قرشی کوره‌شیش اوچون اوشبو ولایت بیرقطار تومن‌لری نینگ یشاوچی‌لریدن زوردن پول توپله‌گن.
جوزجان حاکمی سوزلاوچیسی عبدالمعروف آذرنینگ سلام‌وطندارگه ایتیشیچه، طالبان گروهی رمضان مبارک آیده حرمت قیلمه‌یدی و بیرقطار تومن‌لرنینگ یشاوچی‌لریدن کرونا ویروسی‌گه قرشی کوره‌شیش بهانه‌سی بیلن پول توپله‌یدی.
عین‌حالده، جوزجان یشاوچی‌لریدن بیرقطاری نینگ ایتیشیچه، کرونا ویروسی دنیا یشاوچی‌لرینی تهدید قیلیب کیلگن بیرحالده، طالبان گروهی بونده‌ی وضعیت‌نی درک قیلیب و کم‌بغل عایله‌لردن زوردن پول آلمه‌یشی کیره‌ک.
اولرنینگ ایتیشیچه، تومن‌لرده حیات کیچیره‌دیگن عایله‌لر اوچ وقت اوقات‌لرینی زوردن قولگه کیلتیره‌دیلر و بونده‌ی بیر شرایط ده طالبان گروهی‌گه پول بیره آلمه‌یدیلر.
بیراق، طالبان سوزلاوچیسی ذبیح‌الله مجاهد نینگ اوشبو ادعالرنی رد قیلیب ایتیشیچه، بیرقطار خلق ارا نهادلر کرونا ویروسی‌گه قرشی کوره‌شیش خصوصیده، بو گروه‌گه یاردم بیریش‌لریدن وعده بیرگن.
