قطر ده طالبان سیاسی دفتری سوزلاوچیسی نینگ ایتیشیچه، بو گروه محبوس‌لری نینگ قوییب یوباریش پروسه‌سی حاضرگچه یکونلنمه‌گن.
قطر ده طالبان سیاسی دفتری نینگ ینگی سوزلاوچیسی محمدنعیم وردک بیر توییت یازیب ایتیشیچه، بو گروه محبوس‌لری افغانستان دولتی تامانیدن بوتونلی قوییب یوباریلگنیدن کیین، افغانستان‌لیکلرارا سوزلشوولر باشله‌نیشی ممکن.
اونگه کوره، بو گروه نینگ قولیده‌گی محبوسلر قوییب یوباریلیشی اوستیگه ایش‌لرنی دوامی بار.
طالبان سیاسی دفتری نینگ ینگی سوزلاوچیسی محبوسلر بوتونلی قوییب یوباریلمه‌گنی توغریسیده نطق سوزله‌گن بیر حالده، ملی خوفسیزلیک کینگشی محبوس‌لرنی اَلمشتیریش پروسه یکونلنگنیدن خبر بیرگن.
افغانستان دولتی سونگی بیر آی ده مذکور گروه نینگ ۴۰۰ خوفلی محبوسی نی آزاد قیلگن. افغانستان حکومتی مذکور محبوسلر قوییب یوباریلیشی توغریسیده قرار آلیش اوچون مصلحتی لویه جرگه یولگه قویگن ایدی.
بیر قطار مملکتلر طالبان محبوس‌لری قوییب یوباریلیشی گه عکس‌العمل بیلدیریب، بو مملکتلر یشاوچی‌لری نینگ اولیمی گه سبب بولگن محبوسلر قوییب یوباریلمه‌سینی سوره‌گن ایدی.
آسترالیا، فرانسه و آلمان محبوسلر قوییب یوباریلیشی گه عکس‌العمل کورستگن مملکت‌لردن ایدی.
قطر ده طالبان سیاسی دفتری سوزلاوچیسی بونده‌ی بیانات بیرگن بیرحالده، بو گروه نینگ ۶ خوفلی محبوسی قطر ده انتقال بیریلگن.
