طالبان گروهی غور ولایتی بوییچه انسان حقلری ایرکین کمیسیونی نینگ ولایتی دفتر سرپرستی عبدالصمد امیری نینگ باشینی کیسگن.
اوشبو واقعه‌نی تصدیقلگن غور ولایتی سرپرستی و اورین باسری حبیب‌الله رادمنش نینگ ایتیشیچه، جناب امیری ایکی کون آلدین کابل دن غور مرکزی فیروزکوه تامان کیته‌یاتگن چاغیده، میدان‌وردک ولایتی نینگ جلریز تومنی یولیده طالبان تامانیدن اوغیرلنگن.
جناب رادمنش نینگ ایتیشیچه، بوگون طالبان گروهی عبدالصمد امیری نینگ باشی کیسیلگن جسدی نی غور-کابل قتناو یولیده تشله‌گن.
طالبان گروهی حاضرگچه بو توغریده هیچ نرسه دیمه‌گن.
.jpg)
عبدالصمد امیری، سیاسی بیلیم و حقوق بولیمی ده تعلیم کورگن ایکن و نیچه ییل‌دن بویان انسان حقلری ایرکین کمیسیونی نینگ باله‌لر بولیم اداره‌سی ده فعالیت قیلیب و سونگی پیت‌لر غور ولایتیده انسان حقلری ایرکین کمیسیونی نینگ ولایتی دفتر سرپرستی صفتیده تعیین ایتیلگن ایکن.
عین دمده، آمریکا و طالبان گروهی نینگ آره‌سیده‌گی 9- دور تینچلیک سوزلشوولری یکونلنگنیدن سونگ، مملکت ده ناتینچلیک‌لر اوج آلگن و سونگی نیچه کونده قندوز، بغلان، تخار و کابل ولایت‌لری مذکور گروه نینگ قانلی هجوملریگه گواه بولگن.
