بوگون «یکشنبه» کابل‌ده جیولوجیست‌لر خلق ارا کونیدن نشانلش مراسمی‌ده کابل بوییچه اروپا بیرلیگی ایلچیسی پیری مایدون نینگ ایتیشیچه، طالبان و باشقه تروریستی گروهلرگه علاوه داعش گروهی هم افغانستانده کانلر ناقانونی شکلده قازیب چیقاریلیشی‌دن فایده‌لنه‌دی.
جناب مایدون نینگ ایتیشیچه، جاری ییل‌ده افغانستان پول یوویش و تروریست‌لرنینگ نیازلرینی تأمین‌لش نقطه‌ای نظریدن دنیاده اینگ خطرلی مملکت‌لردن بیری سنله‌دی و افغانستان حکومتی کانلر ناقانونی شکلده قازیب چیقاریلیشی گه توسیق بولیشی کیره‌ک.
شو توغریده…
کانلر وزیرلیگی‌ده اداری فساد موجودلیگی‌دن خواطر بیلدیریلگن
بدخشان آلتینی و سرپل مِس کانلرینی قازیب چیقاریش شرطنامه‌سی امضاءلندی
کانلر قانونی بیر «تجربه‌سیز» آرقه‌لی یازیلگن
شونینگدیک، جمهورلیک ریاستی نی ایکینچی اورین باسری سرور دانش، حاضرگه قدر افغانستانده کانلردن ایجابی شکلده فایده‌لنیلمه‌گنینی تَن آله‌دی.
جناب دانش، خصوصی بولیم‌لردن بو توغریده حکومت گه یاردم بیریش‌لرینی سوره‌دی.
عین حالده، کانلر و پترولیم وزیرلیگی نینگ مسؤوللری، مملکت نینگ 15 ولایتیده منرالی ماده‌سی بولگن ینگی 30 منطقه جیولوژیکی شکلده تیکشیریلگنیدن خبر بیرگن.
