افغانستان قماقخانه‌لریدن طالبان نینگ محبوس‌لریدن اونلرچه‌سی قوییب یوباریلیشی دوامی گه جمهور رئیس غنی نینگ بویروغی بیلن افغانستان ملی خوفسیزلیک قماقخانه‌سیدن طالبان نینگ باشقه 35 اعضاسی قوییب یوباریلگن.
قوییب یوباریلگن کیشی‌لردن 5 ته‌سی بیلن صحبت قیلیش اوچون سعی و حرکت قیلدیک؛ بیراق بو آره‌دن 1 ته‌سی صحبت بیریش گه حاضر بولمه‌دی و قونغیراقلریمیز باشقه 2 ته‌سی نینگ عایله اعضاسی بیلن باغلندی و اولرنینگ سوزلریگه قره‌گنده مذکور کیشی اورته‌لیک‌ده یوق ایدی و ینه-ده «طالبان گه قوشیلیش احتمالی بار.»
بیراق، 2 ته‌سی عایله‌سی بیلن بیرگه بولگن. طالبان گروهی نینگ سابق اعضالریدن بیری نازک‌میر بیر یریم ییل نی قماقخانه‌ده اوتکزگن. اونینگ ایتیشیچه، شخصی خصومت‌لر باعث، طالبان گروهی گه قوشیلگن ایکن.
نازک‌میرنینگ ایتیشیچه، «ییر دعواسی باعث طالبان گه قوشیلدیم، انسان مجبور بولگنده هر ایش گه قول اوره‌دی.»
اونینگ ایکی خاتینی و 9 فرزندی بار و باشقه 5 فرزند هم نیچه آی آلدین طالبان صفیده هلاک ایتیلگن ایناغه‌سیدن قالگن. نازک‌میرنینگ فرزندلری و جیین‌لری مکتب باریشمه‌یدی و بو جمعیت‌لی عایله نازک‌میر توتقونگه آلینگنیدن سونگ، کوپلب اقتصادی قیین‌چیلیک‌که روپه‌ره بولگن.
نازک‌میرنینگ ایتیشیچه، حاضر مکتب و اوقیش گه نسبتن توشونچه‌سی اوزگرگن. حاضر فرزندلری درس اوقیشی و سوادسیز قالمس‌لرینی ایسته‌یدی. «درس اوقیمه‌گن کیشی کور دیر، قره بیز درس اوقیمه‌دیک نیمه بولدیک؟»
خوفسیزلیک کوچلری بیش ییل آلدین فاریاب ولایتیده باشیده دستار باغلنگن و ییلکه‌سیده قورال کوتریب طالبان صفیده اوروشیب یورگن شمس‌الدین آتلی یاش ییگیت نینگ توتقونگه آلگن. اونینگ ایتیشیچه، بیش ییل جریانیده کیم‌سه احوالی نی سوره‌مه‌گن، «قوییب یوباریلگنیم دن کیین هم کیم‌سه حالیم‌نی سوره‌مه‌دی و کیم بولگنیم هم سوره‌مه‌دی.»
او، اوچ فرزندنینگ آته‌سی دیر و باله‌لری اوقیش‌دن محروم قالگن. شمس‌الدین نینگ قماقخانه‌ده بولگن وضعیتی توغریسیده ایتیشیچه: «همه‌سی اوتدی و اوتگنی هم یخشی بولدی.»
افغانستان قماقخانه‌لریدن طالبان نینگ محبوس‌لری قوییب یوباریلگن چاغده، قطرده آمریکا و طالبان نماینده‌لری نینگ 8- دور سوزلشوولری دوام ایتماقده ایدی. طالبان رسمی‌لری نینگ ایتیشیچه، بو دور سوزلشووده ایجابی کیلیشمه‌لر بولگن، بیراق سونگی کیلیشووگه ایریشمه‌گن.
عین حالده، مملکت یشاوچیلری طالبان گروهی نینگ قوییب یوباریلگن محبوس‌لری ینه-ده طالبان گه قوشیلیب و دولت گه قرشی قورال کوتریشیدن خواطر بیلدیرگن.
شو توغریده…
