.jpg)
ساغلام و پارلاق ساچلر چیرایلی یوز افاده‌سیگه بی‌واسطه تأثیر قیله‌دی. انسانلر ایسه ساچلری چیرایلی و پارلاق بولیشی اوچون هر بیر ایش گه قول اوره‌دیلر و کوپلب سعی و حرکت‌لر بیلن ساچ توکیلیشی گه توسیق بوله آلمه‌یدی یا-ده چیرایلیگی نی مستحکم قیله آلمه‌یدی؛ تورلی شامپولر، قتیق، یومورتقه و ویتامین‌لردن فایده‌لنیش افغانستانده کوپلب رواجلنگن. بیراق ساچنی چیرایلی، پارلاق و مستحکم سقلش حاضرگه‌قدر عیاللر و ایرکک‌لر اوچون اینگ جنجل‌لی چیرایلیک دغدغه‌سی سنله‌دی.
بیراق، افغانستان دولتی گه قرشی طالبان گروهی بو قیین‌چیلیک‌دن قولی‌لیک بیلن اوتگن. مذکور گروه جنگریلری نینگ ساچلری اوزون و جینگه‌لیک دیر و سقاللری هم شونده‌ی بولگن و اولرنینگ ساچلرینی اوزونلیگی، پارلاقلیگی و مستحکم‌لیگی اوزاقدن کورینه‌دی. بیراق اوشبو جینگه‌لیک و پارلاق ساچلرنینگ سِری نیمه ده دیر؟
اوشبو معماگه جواب تاپیش اوچون سلام‌وطندار میدیا ترماغی نینگ خبرچیسی، طالبان گروهی نینگ اوزون و پارلاق ساچلری بولگن نیچه جنگریسی بیلن صحبت اوتکزگن.
افغانستان نینگ اوزاق ولایت‌لریدن بیریده آتی فاش ایتیلیشی‌نی ایستمه‌گن طالبان اعضالریدن بیری نینگ ایتیشیچه، ساچلرینی کییم یووه‌دیگن صابون بیلن یوویش گه عادت قیلگن. او، اسلام پیامبری نینگ حدیث‌لریدن بیرینی روایت قیلیب ایتیشیچه، اوزون و پارلاق ساچ قوییش و کونده‌لیک کوزلری گه سورمه تارتیش سنت دیر و اولر الله رضاسی اوچون ساچلرینی ییلکه‌لریگچه قوییب و هر کون کوزلری گه سورمه تارتیشه‌دی.
طالبان گروهی اعضالریدن باشقه بیری نینگ ایتیشیچه، ساچلری اوزون بولمه‌گنده، اولرنینگ جهادی قبول بولمه‌یدی و شو یوزه‌دن مذکور گروه اعضالریدن کوپینچه‌سی ساچلرینی اوزون قوییشه‌دی. اولرگه کوره، بو گروه نینگ جنگریلری اوزون ساچلرینی سقلش و تازه‌لب یوریش ده بی‌فرق یانده‌شگن صورتده، جزالنه‌دی. اونینگ ایتیشیچه، ساچلری مستحکم و پارلاق بولیشی اوچون هر کون زیتون یاغیدن فایده‌لنه‌دی.
.jpg)
شونینگدیک، طالبان جنگریلریدن باشقه بیری، ساچنی کییم یووه‌دیگن صابون بیلن یوویشنی توصیه قیله‌دی. اونینگ ایتیشیچه، ساچلرینی ایریم پیت‌لر مستحکم بولیشی اوچون کییم یوویش صابون بیلن یووه‌دی. اونینگ ایشانچی گه کوره، ساچنی اوزون قوییش کیشی‌لیک علاقه دیر. طالبان نینگ اوشبو جنگریسی گه کوره، اوزون ساچ اولرنینگ «باتورلیگی، کوچلیگی و اوروشچنلیگی» نی کورسته‌دی.
مذکور گروه اعضالریدن باشقه بیرقطاری نینگ ایتیشیچه، اوزون ساچ قوییش رخصتی و حقی یالغیز ییریک کیشی‌لر جمله‌دن والی، ولسوال و اوروشچن قومندانلرگه بیریله‌دی. اولرگه کوره، طالبان گروهی نینگ قومندانلری، جنگریلری نینگ ساچلری وقتی بیلن تازه‌لنیشی و یوویلیشی اوچون خاص کیشی‌لرنی تعیین قیلیشگن.
بیراق، شهرلرده بیرقطارلرنینگ ایشانچی گه کوره، طالبان جنگریلری صحی و یوویش ماده‌لری گه قول تاپه آلمه‌سی باعث، ساچلری اوزون و مستحکم بولگن. اولرنینگ توشونچه‌سی گه کوره، ساچلری اوزه‌ییشی گه تورلی شامپورلر، یاغلر و کوچه‌یتیریش ویتامین‌لر فایده‌لی بولمه‌گن حالتده، دواملی بوران، توپراق، ساغلیک حقیده اویله‌مسلیک و اوروش فضاسی تأثیر قویگن بولسه کیره‌ک.
