1397- ییل، اوچ کون هییت ده افغانستان دولتی و طالبان گروهی آتیش‌کیسین قیلگن ایدی و طالبان گروهی نینگ جنگریلری قیشلاقلردن شهرلرگه کیلیب و افغانستان دولتی نینگ رسمی‌لریدن بیرقطاری، طالبان بیلن اوچره‌شگن ایدی.
ایتیلیشیچه، اوچ کون آتیش‌کیسین ده کیم‌سه نینگ بورنی قانمه‌دی و هیچ بیر باش ییرگه توشمه‌دی.
شونینگدیک، بو ییل هم یشاوچیلر هییت کونلریده آتیش‌کیسین اعلان قیلینیشی‌نی طلب قیلدی. بیراق، طالبان گروهی نینگ رهبری ملا هبت‌الله آخندزاده، روزه بیره‌م هییتی توغریسیده بیرگن پیامی ده ایتیشیچه، بو گروه مقصدی گه ایریشگونگه‌قدر اوروش گه دوام بیره‌دی.
عین حالده، قطر و مسکو تینچلیک سوزلشوولری ییغینیده آمریکایی‌لیک‌لر و افغانستان سیاستچی‌لری، آتیش‌کیسین بولیشی اوستیگه اورغولگن‌لر، بیراق طالبان گروهی بو ایستک‌که تَن بیرمه‌گن‌لر.
سوراق توغیله‌دی کیم، طالبان گروهی نیمه اوچون آتیش‌کیسین قیلمه‌یدی و نیمه اوچون افغانستان سیاستچی‌لری و یشاوچیلری نینگ ایستک‌لریگه تَن بیرمه‌یدیلر؟
سیاسی و حربی ایش بیلرمانلرنینگ ایشانچی گه کوره، طالبان گروهی دن حمایه قیلووچی مملکت‌لر، مذکور گروه گه آتیش‌کیسین صلاحیتی‌نی بیرمه‌گن‌لر.
ایش بیلرمانلرگه کوره، آتیش‌کیسین طالبان گروهی نینگ جنگریلرینی اوروشلی اراده‌سیگه بوشلیک کیریته‌دی و بو گروه نینگ رهبرلری و حمایتچی‌لری بونده‌ی وضعیت‌نی ایستمه‌یدیلر.
حربی ایش بیلرمان میرزامحمد یارمندنینگ ایشانچی گه کوره، طالبان گروهی دن حمایه قیلووچی مملکت‌لر، بو گروه گه آتیش‌کیسین قیلیش گه رخصت بیرمه‌یدی.
بیراق، حربی ایش بیلرمانلردن باشقه بیری جاوید کوهستانی نینگ ایتیشیچه، طالبان گروهی نینگ آتیش‌کیسین دن باش تارتیش مقصدی، چیت‌ایللیک کوچلر افغانستان توپراغیدن چیقیشی توغریسیده آمریکا اوستیگه باسقین کیریتیش دیر. اونینگ ایتیشیچه، آتیش‌کیسین اعلان ایتیلیشی اوروش میدانیده طالبان گروهی قومندانلری نینگ فکری اوزگریشی گه سبب بوله‌دی.
باشقه تاماندن، سیاسی ایش بیلرمان محمد اکرم عارفی نینگ ایتیشیچه، طالبان گروهی آتیش‌کیسین اعلان قیلیشی خصوصیده، کوپراق امتیاز ایسته‌یدی و کیچیک امتیازلرگه قانیقمه‌یدی.
طالبان گروهی نینگ سابق رسمی‌لریدن بیری وحید مژده نینگ سلام‌وطندارگه ایتیشیچه، آتیش‌کیسین مسئله‌سی خصوصیده طالبان گروهی نینگ توشونچه‌سی شرعی دیر و بو گروه نینگ ایشانچی گه کوره، چیت‌ایللیک جنگری کوچلرنینگ حضوریده آتیش‌کیسین اعلان ایتیلیشی شرعیت گه قرشی دیر.
جناب مژده گه کوره، اوتگن ییل اعلان ایتیلگن آتیش‌کیسین طالبان گروهی آره‌سیده سوراقلر توغدیرگن و شونینگدیک، مذکور گروه نینگ اوروشی نی جنگریلری حضوریده سوراققه دوچ قیلدی و شو یوزه‌دن مذکور گروه نینگ رهبرلری آتیش‌کیسین اعلان ایتیلیشی‌نی خطا دیگن‌لر.
طالبان گروهی نینگ اوشبو سابق ملازمی نی کوپه‌یتیریشیچه، آمریکا و طالبان گروهی آره‌سیده اوتکزیله‌دیگن تینچلیک سوزلشوولری هم مذکور گروه اوروش گه دوام بیریشی و کوپراق امتیاز قولگه کیریتیش اوچون اورغولنیشی گه سبب بوله‌دی.
