افغانستان نینگ ایریم ولایت‌لریده امنیتی کوچلر و طالبان گروهی آره‌سیده اوروش دوام ایتیب کیله‌یاتگن بیرچاغده، جمهور رئیس غنی هییت بیره‌می مناسبتی بیلن مملکت قماقخانه‌لریدن طالبان گروهی گه تیگیشلی 887 محبوس قوییب یوباریلیشیدن خبر بیرگن.
جمهورلیک ریاستی سرایی ده هییت نمازی اوتکزیلگنیدن سونگ جناب غنی نینگ ایتیشیچه، بو ایش تینچلیک مصلحتی قورولتای ده اشتراک قیلگن خلق نماینده‌لری نینگ ایسته‌گی بیلن بولگن.
بیراق، حربی ایش بیلرمانلردن بیرقطاری نینگ ایشانچی گه کوره، مملکت قماقخانه‌لریدن طالبان گروهی گه تیگیشلی محبوسلر قوییب یوباریلیشی اوروش میدانلریده امنیتی کوچلرنینگ روحیه‌سی کوچسیزلنیشی گه سبب بوله‌دی و جناب غنی نینگ بو ایشی سیلاو کمپاینینی آلغه آلیب باریش اوچون یاشیرین معامله دیر.
حربی ایش بیلرمان جاوید کوهستانی نینگ ایشانچی گه کوره، جمهور رئیس غنی سیلاو کمپاینینی آلغه آلیب باریش اوچون طالبان گروهی گه تیگیشلی محبوسلرنی قوییب یوباریش آتی گه ینگی اویین باشله‌گن.
اوشبو حربی ایش بیلرمان گه کوره، قماقخانه‌لردن جنایتچی‌لر قوییب یوباریلیشی اوروش میدانلریده امنیتی کوچلرنینگ روحیه‌سی کوچسیزلنیشی گه سبب بوله‌دی.
جناب کوهستانی، جمهور رئیس غنی نینگ سونگی حرکتی نی طالبان گروهی گه امتیاز بیریش دیب ایتیشیچه، بو ایش یاشیرین معامله‌نی بیر بولیمی دیر.
مذکور حربی ایش بیلرمان نینگ ایشانچی گه کوره، بوندن ایلگری قماقخانه‌لردن قوییب یوباریلگن محبوسلرگه قره‌گنده، قوییب یوباریلگن‌لر طالبان گه قوشیلگن.
حربی ایش بیلرمانلردن باشقه بیری میرزامحمد یارمندنینگ ایتیشیچه، حکومت طالبان گروهی گه تیگیشلی محبوسلرنی قوییب یوباریشی توغریسیده یشاوچی‌لرگه معلومات بیرمه‌گن صورتده، یشاوچی‌لر حکومت تامانیدن بوله‌دیگن ایشلرگه نسبتن سلبی قره‌یدیلر.
جناب یارمندگه کوره، سیلاو مقصدلریگه ایریشیش اوچون طالبان گروهی گه امتیاز بیریش تأثیرچن و فایده‌لی ایمس دیر.
بیراق، سلام‌وطندارگه صحبت بیرگن جمهورلیک ریاستی سوزلاوچیسی اورین باسری شاه‌حسین مرتضوی نینگ ایتیشیچه، قوییب یوباریلیشی گه قرار قیلینگن محبوس‌لردن کوپینچه‌سی اعلاجی یوق کسل‌لیک‌لرگه چالینگن، بیرقطاری نینگ یاشی یوقاری و باشقه بیرقطاری نینگ حبس مدتی آز قالگن.
جمهورلیک ریاستی سوزلاوچیسی اورین باسری، طالبان گروهی گه تیگیشلی محبوسلرگه نسبتن سیلاو اوچون یانده‌شیلیشینی رد قیله‌دی.
طالبان گروهی گه تیگیشلی محبوسلر باشقه اون کونگچه افغانستان قماقخانه‌لریدن قوییب یوباریلیشی گه قرار قیلینگن.
شو توغریده…
