.jpg)
د وسلهوالو طالبانو یوې سرچینې د نوم نه ښودلو نه ښودلو په شرط سلام وطندار ته وویل چې ګڼشمېر طالب مشران له افغانحکومت سره د سولې د خبرو او د سولې د پروسې د مدیریت په پار پاکستان ته ستانه شويدي.
سرچینه وايي، طالبانو پلان لرلو چې په نږدې څوو ورځو کې خپل پسرلنې عملیات اعلان کړي؛ خو له افغانحکومت سره د سولې د خبرو اترو په موخه دغه عملیات ځنډېدلي دي.
سرچینه ټینګار کوي چې طالبان سولې ته ژمن دي؛ خو کهچېرې د سولې مذاکرات کومې پایلې ونه رسېږي؛ دوی به له خپلو نویو تشکیلاتو سره یوځای خپل پسرلني عملیات پيل کړي.
د طالبانو دا سرچینه هیلهمن دی چې په قطر کې د امریکا او طالباستازیو ترمنځ به د سولې شپږمې غونډې کې دواړه خواوې یوې پرېکړې ته ورسېږي.
.jpg)
ومو غوښتل چې په پاکستان کې د وسلهوالو طالبانو د نوې غونډې د جزیاتو په اړه د طالبانو د ویاند ذبیحالله مجاهد نظر هم واخلو؛ خو نوموړي پهدې اړه له څه ویلو ډډه وکړه.
د سولې عالي شورا مرستیال ویاند اسدالله زایري پاکستان ته د طالبمشرانو د سفر په اړه څه نه وايي؛ خو ټینکار کوي چې افغانحکومت او د سولې عالي شورا د هر هغه بهیر ملاتړ کوي چې د سولې خبرې اترې ځواکمنولی شي.
ټاکل شوېوه چې په قطر کې د امریکا او طالباستازیو ترمنځ د سولې شپږمه غونډه د روانې اپریل میاشتې پر ۱۴مه او ۱۵مه نېټه وشي؛ خو د ځېنو دلایلو له امله د همدې میاشتې ۱۹مې نه تر ۲۱مې ورځې ته وځنډېدله.
ورته مطالب:
