جوزجان محلی رسمی‌لری نینگ ایتیشیچه، حادثه اوتگن کون شو پیتده روی بیرگن که بوندن 12 کون آلدین داعش جنگریلری بیر چوپاننی اونلرچه قویی بیلن طالبلر تصرفیده بولگن منطقه‌دن اوغیرله‌گن ایدی.
درزاب تومنی باشلیغی رحمت‌الله حشرنینگ سلام‌وطندارگه خبرنی تأیید قیلیب ایتیشیچه، طالبلر داعش جنگریلری تامانیدن بیر چوپان اوغیرلنگنی‌گه قرشی بو 9 کوچینی قوش‌تیپه تومنی‌نینگ بیک‌سر، خانقاه و ترکمن اولدی قیشلاق‌لریدن اوغیرله‌گنلر و اوزلری حاکمیت سوره‌دیگن درزاب تومنی نینگ بوزغاله‌خور قیشلاقیده آلیب بارگنلر.
درزاب تومنی‌نینگ باشلیغی، شوسونگی اوچ هفته جریانیده داعش و طالبان جنگریلری ارا توقنه شوولر شدتلشگن و کوپراق مذکور گروه تینچ یشاوچیلرنی بیزاوته قیله‌دیلر دیگن.
جوزجان ولایتی والیسی‌نینگ سوزلاوچیسی محمدرضا غفوری موضوع‌نی تأیید یا رد قیلمیدی، بیراق ایتیشیچه، نیچه هفته‌دن بیری طالبلر و داعش جنگریلری ارا اوشبو ولایتده اوروشلر شدتلشگن.
حاضرگه قدر جوزجانده‌گی طالبان و داعش جنگریلری بوباره‌ده بیرنرسه دیمه‌گنلر.
