جوزجان ولایتی نینگ منگجیک تومنیده طالبان جنگریلری سقال نی تراشلماق، موسیقه ایشیتماق و آرایشی ملزمه‌لردن فایده‌لنیش نی منع اعلام قیلگن.
منگجیک تومن محلی مسئوللری نینگ سلام‌وطندارگه ایتیش‌لریچه، طالبان بو بویروغ عملی ایتیلیشی اوچون مذکور تومن نینگ نیچه بولیمیده ۱۲ چک پاینت ایجاد قیلگن و بو بویروغ گه قرشی عمل قیلگن‌لرنینگ جزالنتیره‌دی.
منگجیک تومن ولسوالی مطیع‌الله احسان نینگ ایتیشیچه، طالبان «دعوت و ارشاد» جماعتی نینگ یغیینی بولیب اوتگندن کیین بونده‌ی بیر قرار آلگن.
جوزجان یشاوچی‌لری طالبان گروهی تامانیدن یره‌تیلگن چیکلاولرنی انسانی ارزش‌لرگه قرشی دیب ایتیش‌لریچه، سقال نی قوییش یا-ده قویمه‌یش شخصی بیر ایش دیر و بو گروه اهالی نینگ زورلنتیرمه‌یشی کیره‌ک.
منگجیک تومن یشاوچی‌لریدن قطاری سلام‌وطندار بیلن صحبت اوتکزیب ایتیش‌لریچه، طالبان بو تومن یشاوچی‌لریگه چیکلاو تعیین قیلیب و اهالی نی قیناققه سالیشه‌دی.
اهالی گه قرشی طالبان تامانیدن چیکلاو یره‌تیلیشی ینگی بیر موضوع ایمس دیر. بو گروه نینگ معارف وزیری کابل نینگ نظارت گه آلگندن کیین «طالبان موسیقی گه قرشی دیر، چونکه بو ذهن نینگ بوزیب و اسلامی تعلیمات‌لرگه نقص ییتیشتیره‌دی» دیگن ایدی.
بیراق طالبان سوزلاوچی‌لریدن بیری ذبیح‌الله مجاهد منگجیک یشاوچی‌لری و محلی مسئوللری نینگ ادعاسینی رد قیلگن.