طالبانو بېګاه په نیمه شپه د بغلان ولایت دوشي ولسوالۍ په کیلهګي سیمه کې کابل ته د راغلې برېښنا پایه ویجاړه کړه.
د بغلان ولایت د برېښنا ریاست مسوولان وايي، طالبانو لومړی د برېښنا مټې درې پښې په برقي ماشین غوڅې کړي او وروسته یوې هغې پښې ته یې ماین ایښی و.
د دې ولایت د برېښنا رییس سلطان احمد عزیزي سلاموطندار ته وویل، د پېښې سیمې ته د پایې جوړولو لهپاره د لویو ماشیونو لېږد ستونزمن دی.
نوموړي وویل، سم لاسه یې کابل د یو سرکېټ له لارې موقته برېښنا ورکړې ده.
عزیزي وايي، دوی هڅه کوي د پېښې سیمې ته اړین ماشیونونه ورسوي. په خبره یې، ویجاړې شوې پایې بیا ځلي جوړېدل څو ورځې وخت اخلي او له امنیتي ځواکونو یې وغوښتل د سیمې امنیت ټینګ کړي.
د دوشي ولسوالۍ د امنیې قوماندان اغا میر غفوري وايي، ګډ امنیتي ځواکونه د سیمې امنیت ټینګښت لهپاره ګومارل شوي دي.
طالبانو له دې مخکې خبرداری ورکړی و، که د هغو سیمو خلکو ته چې د برېښنا پايي، یې له ځمکو تېرې شوي برېښنا ورنه کړي؛ دا پایې به ویجاړې کړي.
