بوگون «دوشنبه» نماینده‌لر کینگشی، صنعت و سوداگرلیک وزیری همایون رسا و نفتی ماده‌لر تصدی باشلیغی ولید تمیم نی نفتی ماده‌لر تصدی‌گه کیریتیلگن عیب‌لاولر و جنجل‌لر توغریسیده، جواب بیریش‌لری اوچون مجلس‌گه چقیرگن ایدی.
نماینده‌لر کینگشی اعضالریدن بیرقطاری، نفتی ماده‌لر تصدیده اوشبو ریاست باشلیغی تامانیدن ایشلاوچی‌لر جایلشتیریلیشی و تعیین ایتیش‌لرنی قانونگه قرشی دیب و اونی فسادگه عیب‌لگن‌لر.
بیراق، نفتی ماده‌لر تصدی باشلیغی ولید تمیم، نماینده‌لر کینگشی اعضالری‌نینگ عیب‌لاولریگه جواب ایتیشیچه، اوشبو تصدیده ایشلاوچی‌لر جایلشتیریلیشی نیاز اساسیده عمل‌گه آشیریله‌دی.
جناب تمیم‌نینگ ایتیشیچه، تصدی‌نینگ 18 ایشلاوچیسی‌نی بیر بولیم‌دن باشقه بولیم‌گه اوزگرتیرگن، بیراق هیچ بیر ایشلاوچی‌نی ایش‌دن آلمه‌گن.
نفتی ماده‌لر تصدی باشلیغی‌نینگ کوپه‌یتیریشیچه، بو تصدینی ایشلشتیریش اوچون کیلمه‌گن، بلکیم بو تصدی‌نینگ ملی درامدینی توزه‌تیش نیتی‌ده بولگن.
بیراق، صنعت و سوداگرلیک وزیری همایون رسا، نفتی ماده‌لر تصدی‌نینگ سونگی جنجل‌لری توغریسیده، تصدیده بولگن ناقانونی‌لیک و فساد موجودلیگی خصوصیده، نماینده‌لر کینگشی اعضالری‌نینگ ادعالرینی تصدیق‌لب ایتیشیچه، اوشبو قضیه آچیقله‌نیشی اوچون جمهور رییس‌گه تصدی تیکشیریلیشی‌نی تکلیف قیلگن و جمهورلیک سرایی‌دن جواب کوتماقده.
جناب رساگه کوره، نفتی ماده‌لر تصدی اداره‌سی تامانیدن ولایت‌لرده‌گی نماینده‌لیک‌لر و مصلحتچی‌لر توغریسیده تکلیف ایتیلگن کیشی‌لرنینگ رویخطی‌ده فسادگه عیب‌لنگن، 12- و 14- صنف‌دن فراغت حجت قولگه کیریتگن‌لرنینگ آت‌لری بار.
صنعت و سوداگرلیک وزیری، اوشبو کیشی‌لر جمهور رییس غنی تامانیدن تصدیق‌لنگنینی سوراقلی دیب بیله‌دی.
ییغین اداغیده، نماینده‌لر کینگشی باشلیغی عبدالرووف ابراهیمی، نفتی ماده‌لر تصدی اداره‌سی باشلیغی‌نینگ جواب‌لرینی قانیقرلی دیگن.
صنعت و سوداگرلیک وزیری و نفتی ماده‌لر تصدی اداره‌سی باشلیغی نماینده‌لر کینگشی‌گه چقیریلگن بیرچاغده، اوشبو تصدی ایشلاوچی‌لریدن بیرقطاری، ملی کینگش ایشیگی‌نینگ اونگیده اعتراض بیلدیرگن‌لر.
اولر، نفتی ماده‌لر تصدی اداره‌سی باشلیغی‌نی فساد و قانون سیندیریش‌گه عیب‌لب ایتیشیچه، تمیم ولید، تصدیده اوز قرینداشلرینی جایلشتیرگن.
اوشبو اعتراضچی‌لر، 16 کوندن بویان ناراضیلیک بیلدیره‌دیلر و حکومت‌دن شکایت‌لریگه تیکله‌شی‌نی سوره‌یدیلر.