غزنی ولایتی صناعت وسوداگرلیک ریاستی رسمی‌لری‌نینگ ایتیشیچه، مذکور ولایت قول صناعتی اوچون اجره‌تیلگن 17 میلیون دالرنی سالیق وزیرلیگی قبول قیلمه‌یدی. اوشبو پول‌نی وزیرلر کینگشی، 1394- ییل مالی بودجه‌سیدن غزنی ولایتی‌نینگ 20 قول صناعتی‌نی رواجلنتیریش نیتی‌ده اجره‌تگن.
غزنی ولایتی صناعت و سوداگرلیک اتاق‌لری باشلیغی حسین عارفی‌نینگ سلام‌وطندارگه ایتیشیچه، اولر نیچه مرته اوشبو 17 میلیون دالر توغری‌سیده سوداگرلیک و سالیق وزیرلیک‌لریدن معلومات بیریش لرینی سوره‌گن؛ بیراق مذکور وزیرلیک‌لرنینگ جواب‌لری هیچ‌قچان قانیقرلی بولمه‌گن.
جناب عارفی‌نینگ ایتیشیچه، اوشبو پول‌نی 10 میلیون دالری، قالین توقیش، ییپ ایگیریش و رنگ بیریش صناعت‌لری اوچون و باشقه 7 میلیون دالری، مس‌گرلیک، خامک‌تیکیش، پوستین تیکیش، گلیم توقیش و قاپ توقیش صناعت‌لری توغری‌سیده اجره‌تیلگن.
شونینگ‌دیک، صناعت و سوداگرلیک باشلیغی‌نینگ ایتیشیچه، حاضر مذکور ولایت‌نینگ قول صناعتی خام ماده‌سی پاکستان کیتیب و اوشبو مملکت تامانیدن فایده‌لنه‌دی.اونگه کوره، کونده غزنی ولایتی‌نینگ 10 تُن یونی پاکستان‌گه یوباریلیب و مذکور مملکت‌نینگ نخ ایگیریش صناعتی‌گه ایش آلینه‌دی.
جناب عارفی‌نینگ ایتیشیچه، قول صناعتی توغری‌سیده سرمایه یاتقزیش نه فقط غزنی مدنی ارزش‌لری سقله‌نیشی‌گه باعث بوله‌دی، بلکیم کوپینچه نیازمند عایله‌لر اوچون ایش زمینه‌لری یره‌تیله‌دی.
غزنی‌نینگ مس‌گرلیک، چرم‌گرلیک و قالین توقیش صناعتی، مذکور ولایت‌نینگ اینگ یخشی صناعت‌لریدن دییله‌دی، بولر چیرایلی شکلده بیزه‌تیلیب واشنگتن و مسکو بازارلریده ترقه‌تیله‌دی. بیراق حاضر بو صناعت‌لرگه یالغیز آت قالگن و اولرنینگ جایی‌نی چین و پاکستان مملکت‌لری‌نینگ پلاستیکی نرسه‌لری آلگن.
قرِی کیشی امیر محمدنینگ بابا و اجدادلرینی ایشی مس‌گرلیک ایکن، بیراق حاضر اوشبو چیگل بازارده، سودا و ساتیق و سرمایه یوقلیگی باعث، اویی‌ده مس‌گرلیک قیله‌دی. امیر محمد توزه‌تگن نرسه‌لرینی ساتیش اوچون بازار آلیب کیلگن، بیراق سودا و ساتیق بولمه‌گنی‌دن ناراضیلیک بیلدیریب ایتیشیچه، انچه ییل آلدین، مسلک داشلریم‌نی حکیم صاحب بندریده کمیده 100 دُکانی و ایسکی شهرده 20 دُکانی بولیب و اولر یالغیز مس‌گرلیک قیلر ایدی. برچه نرسه مس‌گرلر تامانیدن توزه‌تیلیب و تشقی مملکت‌لردن کیله‌دیگن نرسه‌لرگه احتیاج یوق ایکن. بیراق، شوکیچه و کونده یالغیز اوچ دُکان بوتون بازارده قالگن و اولر هم سودا و ساتیق یوقلیگی‌دن شکایت قیله‌دی.
غزنی شهری‌نینگ معمارلیگی و قول صناعتی بیر زمان دنیا بویلب شهرت قازانیب و غزنوی‌لرنینگ ایسکی مدنیتی‌نی کورگزمه‌گه قویردی. براق حاضر سابق نرسه‌لر اوز جایی‌ده قالگن. غزنی صنعت‌کارلری‌نینگ خواطری‌گه کوره، مذکور ولایت قول صناعتی توغری‌سیده دقت قیلینمه‌گن صورتده، اوشبو ولایت‌نینگ برچه صناعتی تیزلیک‌ده نابود ایتیلیشی ممکن.
