مملکت صادرات ترقیات ادارهسی نینگ رییسی نجلاحبیبیار(AIB) یا افغانستان خلق ارا بانکی و (ARFC) یا افغانستان قیشلاقلر مالی شرکتی بیلن ایکی کیلیشووگه قول قویگن.
مذکور کیلیشووگه اساسن صادر ایتووچیلرگه اوشبو بانکلر قرض بیرهدی. اوشبو ایکی کیلیشووگه قول قوییلگن لیگیدن اساسی نیت صادر ایتووچیلرگه قرض بیریش جریانی یخشیله نیش ایکنلیگینی ایتگن خانم نجلاگه کوره، تاجرلر بوندن بویان قولیلیک بیلن قرض قولگه کیریته آله دیلر.
خانم حبیبیارگه کوره، بوندن آلدینلر صادر ایتووچیلر بیر ییل اوچون بانکلردن قرض آلردیلر؛ اما ایریشیلگن مذکور کیلیشووگه موافق تاجرلر بوندن بویان اوچ ییلگچه قرض آلیشلری ممکن. عین حالده، حبیبیارنینگ گپیریشیچه، هر بیر تاجر اوچون بیریله دیگن قرض اوشه تاجرنینگ صادر ایته جک تورلری میزانیگه باغلیق. ییغینده اشتراک قیلگن افغانستان قیشلاقلر مالی شرکت نینگ مسؤولی سیر حشمت نینگ ایتیشیچه، مذکور شرکت افغانستانده صادرات رواجلهنیشی اوچون میلادی 2007- ییلدن بیری هنوزگچه 80 میلیون دالر سرمایه یاتقیزگن.
صادرات ترقیات ادارهسی نینگ ریسی، جاری ییلده صادرات میزانینی 50 فایزگه قیسقرتیریشگه حرکت قیلیشی دن خبر بیرگن.
مملکت صادرات ترقیات ادارهسی نینگ رسمیلری، جاری ییلده افغانستان صادرات میزانی اوتگن ییللرگه قره گنده 33 فایز کوپیگن لیگینی ایتگنلر.