.jpg)
شمالی کوریانینگ عیاللر فوتبال تیمی فرانسه‌نی یوتگندن سونگ ایکینچی مرته 20یاشر عیاللر خلق ارا مسابقه‌سیده غالیبی اعلان قیلیندی. بو خلق ارا فوتبال اویینی بیر آی آلدین دنیا فوتبال فدراسیونی «فیفا» میزبانلیگیده پاپواگینه‌نینگ «پی ان جی»شهریده باشلنگن ایدی.
دنیا فوتبال فدراسیونی نینگ رسمی صفحه‌سیده نشر بولگن خبرلرگه کوره، شمالی کوریا فوتباچیلری مشقتلی بیر اویین‌نی اوتکزگندن سونگ فرانسه‌نی 3 – 1 مقابلیده یوتیش‌گه موفق بولیشگن.
فرانسه فوتبالچیلری بیرینچی میدان نینگ 17 – دقیقه‌سیده شمالی کوریا میدانیگه باستریب، نتیجه‌ده بیرینچی گولنی اوریشگه موفق بولگن. اما، شمالی کوریا ایسه بیرینچی میدان‌نینگ 30-ایکینچی میدان‌نینگ 55 و 87 دقیقه‌لریده فرانسه جالیسی‌گه اوچ گول یاپیشتیریشگه موفق بولگن.
مسابقه‌نینگ یریم فینالیده شمالی کوریا 2 – 1 مقابیلیده امریکا و فرانسه شونینگ 2 – 1 مقابلیده ایسه جاپاننی یوتیب اوزینی مسابقه نینگ سونگی باسقیچی‌گه ییتکزیشگن.
.jpg)
شمالی کوریادن سونگ فرانسه ایکینچی و جاپان ایسه اوچینچی اورین‌نی اوزیگه اختصاصلشتیرگن. بو اوچره‌شووده جاپان امریکانی یوتیش بیلن مسابقه نینگ اوچینچی غالیبی تانیلگن.
دنیا بویلب 20 یاشر قیزلر فوتبا اویینی جاری ییل نینگ 13 نوامبریده اون آلتی مملکتدن اشتراک قیلگن 20 یاشر قیز فوتبالچیلر اورته‌سیده باشلنگن ایدی. اویین آخریده، جاپانلیک «حناسوگیتای، اینگی یخشی فوتبالچی و فرانسه‌لیک «میلین» ایسه بو مسابقه‌نینگ اینگ یخشی دروازه‌بانی تانیلیب آلیندی.
عین حالده، اخلاق مکافاتی هم جاپانلیک فوتبالچیلرگه بیریلگن.
شمالی کوریا 20 یاشر قیز فوتبالچیلری اوشبو اوچره‌شووده ایکینچی مرته غالیب بولدی، لیکن بوندن آلدین آلمان و امریکا ایسه هر بیری مذکور بیلشوولرده شمالی کوریادن آلدین اوچ – اوچ مرته غالیب چیققن ایدی.
