بغلان ولایتی ساغلیق‌نی سقلش اداره‌سی نینگ اونلب داکتری قوشیمچه ملازملری پولیس‌نینگ نا توغری یانده‌شگنی سبب ایش تشله‌گن‌لر. اعتراضچی شفاکارلر قیین‌چیلیک‌لریگه اعتبار بیریلمه‌گن حالده، ولایت‌ده‌گی برچه ساغلیق‌نی سقلش اداره‌لری ایشیگی‌نی یاپیش‌لری باره‌سیده آگاهلنتیرگن‌لر.
بغلان ساغلیق‌نی سقلش اداره‌سی مسول‌لری‌نینگ اخبارات واسطه‌لری‌گه ایتیشیچه، ولایت مرکزی قوشیمچه تومن‌لر شفاخانه‌لری‌نینگ داکترلری هر دایم پولیس ملازملری تامانیدن کلتکله‌نیب حتی بعضی وقت‌لرده اولیم‌گه تهدید ایتیله دیلر. پولیس منصبدارلری یره‌لنگن کیشی‌لرنی آلیب کیلگن وقت‌ده شفاکارلرنی تهدید آستی‌گه آله‌دی.
بغلان ساغلیق‌نی سقلش اداره‌سی‌نینگ اورین باسری داکتر عبدالعلیم نینگ باشقه شفاکارلر نماینده‌لیگی‌ده سوزلب ایتیشیچه، یره لنگن‌لرنی دوالش وقتیده پولیس رسمیلری‌نینگ اره‌له‌شیشی شفاکارلرنی ایریم قیین چیلیک‌لر بیلن روپه ره قیله‌دی.
عین حالده، بغلان پولیس قوماندانلیگی نینگ خوف‌سیزلیک آمری سمنوال غلام سخی نیک‌پی، ولایت شفاکار لری همده ساغلیق‌نی سقلش اداره‌سی نینگ ملازم لری پولیس منصبدارلری آرقه‌لی کلتکلنگن‌لیگینی اعتراف قیلگن. او مذکور موضوع جدی تیرگاو ایتیلیب، حادثه عامل‌لری قانونی جزاله نیشی باره‌سیده تاکیدله‌گن.
شونینگ‌دیک نیک‌پی، پولیس‌نینگ هر بیر منصبداری لوازمی‌نی سوء استعمال قیلیب، خلق اینیقسه دولتم ملازملری بیلن نا قانونی یاشن‌ده‌گن حالده، قول‌گه آلینیب دولت باش قره‌لاوچیلیک اداره‌سی‌گه تاپشیریله‌دی دیگن.
بغلان ولایتی‌نینگ 120 بسترلیک کسل‌خانه‌سی نینگ بوتون شفاکارلری همده ملازم‌لر اعتراض بیلدیریب، ایش تشله‌گن لر. رسمی‌لرگه کوره، کونده بیر قنچه کسل‌لر شامل یره لنگن 500 کیشی دواله‌نیش اوچون بو اداره گه آلیب کیلینه دیلر.
