افغانستان شفافیتی‌نی کوزه‌تووچی اداره مسؤوللری، ایکی کون آلدین بیر تدقیقاتی گزارش نشر قیلیب معارف وزیرلیگی و عدلی و قضایی اداره‌لرینی افغانستان دولتی‌نینگ اینگ فسادلی اداره‌لریدن دیگن ایدی.
بوگون «سه‌شنبه» معارف وزیرلیگی و باش محکمه خبری بیر ییغین یولگه قوییب شفافیت‌نی کوزه‌تووچی اداره‌نینگ تدقیقاتی‌گه عکسالعمل بیلدیرگن‌لر. باش محکمه سوزلاوچیسی امان‌الله ایمان، بو تدقیقات‌نی چیگل، معیارسیز و انصاف‌سیز دیگن. اونگه کوره، بو تدقیقات چیگل بولیب و قیناقلری هم بیللی ایمس دیر.
معارف وزیرلیگی‌نی سوزلاوچیسی نوریه نزهت نینگ ایتیشیچه، هر بیر تدقیقات سونگی‌ده مسؤول اداره‌لر بیلن شریک قیلینیب و اولرنی توشونچه‌لری هم آلینیشی کیره‌ک. خانم نزهت گه کوره، شفافیت‌نی کوزه‌تووچی اداره‌نینگ تدقیقاتی ایکی ییل آلدین باشلنگنی گه قره‌گنده، سونگی ییل اصلاحاتی نظرگه آلینمه‌گن.
باشقه تاماندن، کانلر و پترولیم وزیرلیگی‌نی سوزلاوچیسی عبدالقدیر مطفی، کانلر قازیلیب چیقاریلیشی و شرطنامه‌لر امضاءلنیشی توغریسیده، اداری فسادگه قرشی کوره‌شنی تیکشیریش و نظارت قیلیش قوشمه کمیته تامانیدن تیارلنگن گزارش‌نی ناتوغری دیگن.
ایتیلیشیچه، شفافیت‌نی کوزه‌تووچی اداره تدقیقاتی‌ده مملکت‌نینگ 34 ولایتیده 8 مینگ کیشی بیلن صحبت اوتکزیلگن.
