.jpg)
بیر قطار قاچاقچیلر نیچه ولایت نینگ شفابخش اوسیملیکلرینی پاکستانگه ییتکزهدیلر. غزنی اطراف محیطنی تازه سقلش ادارهسی نینگ مسووللری مملکتدهگی شفابخش اوسیملیکلر قاچاق ایتلیشی بارهسیده تشویش بیلدیرگنلر. حاضرگی کونده غزنی شفابخش اوسیملیکلرنی قاچاق ایتیش مرکزیگه ایلنگن.
رسمیلر، ولایت نینگ کوپینچه منطقهلریده شفابخش اوسیملیکلر نابودلیککه یوز توتگن دیدیلر. نیچه ییل جریانیده بو دوایی اوسیملیک کوکرمسلیگی کیرهک دیدی مسووللر.
غزنی طبیعی میراثلرنی سقلش ادارهنینگ باشلیغی عبیدالله غزنیوال نینگ سلامطواندارگه ایتیشیچه، قاچاقچیلر ولایت نینگ شفابخش اوسیملیکلرینی جاغوری، مالستان، ناور تومنلریدن همده بامیان، دایکندی، ارزگان و بدخشان ولایتلریدن ییغیب آلیب غزنی آرقهلی پاکستانگه ییتکزهدی.
جناب غزنیوال، دوایی اوسیملیکلر قاچاق ایتیلشی آلدی آلینیشی اوچون نیچه مرته غزنی تومنلرینینگ مسووللریگه نامه یوللگن لیکلریگه قرهمهی، لیکن هنوز هیچ کیم مسالهگه اعتبار بیرمهگن لیگینی تیلگه آلگن.
جناب غزنیوال، دوایی اوسیملیکلرنی ایلدیزدن قوریتیش طبیعت اوچون ییرینگ ییریک جفا حسابلنهدی دیگن. شونینگدیک اوشبو شفابخش اوسیملیکلر پاکستان آرقهلی هندوستان و چین گه اینگ یوقاری نرخ گه ساتیلیشی ایتیلهدی.
.jpg)
اما، غزنی ولایتی ولایت کینگشی نینگ اعضاسی سخی زابلی، دولت نی ایکینچیلیک، چاروادارلیک و قیشلاقلرده ایش زمینهسی یرهتیش اوچون اعتبار قرهتمهگن لیکده عیبلهگن. اونینگ تعبیریچه، حکومتنی اعتبار قرهتمهگنلیگی سبب اهالی تیریک قالیش اوچون دوایی اوسیملیکلرنی قاچاق ایتیشگه اولگورگنلر.
نامی فاش ایتیلمسلیک شرطی بیلن سلاموطندارگه صحبت بیریگن شفابخش اوسیملیکلرنی قاچاق قیله دیگن شخصلرنینگ سوزولریگه کوره، 20 ییل دن بیری بو ایش بیلن مشغول ایکنلرینی تیلگه آلگنلر.
بولر، مذکور شفابخش اوسیملیکلرنی تاغرلردن قازیب آلیب، قاچاقچیلرگه ساته دیلر و قاچاقچیلر ایسه پاکستانگه ییتکزهدی دیدیلر.
غزنی ولایتی پولیس ادارهسی نینگ مسووللری، اوشبو دوایی اوسیملیکلر قاچاق ایتیلمس لیگی اوچون بوندن کیین سعی وحرکت آلیب باریشلرینی بیلدیرگنلر.
شیرینبویه، کاکتی، الیرنگ کبی شفابخش اوسیملیکلر غزنی ولایتی آرقهلی پاکستانگه دولتیگه قاچاق ایتیلهدی.