افغانستان نینگ شرقی، جنوبی و جنوب‌شرقی ولایت‌لریده آلیش‌و بیریش‌ده پاکستانلیک کلداردن فایده‌لنیشنی آلدی آلینیش کمپاینی باشله‌نیشی بیلن قیین‌چیلیک‌لر هم وجودگه کیلگن.
آلیش‌و بیریش‌ده افغانی پول‌دن فایده‌لنیش و پاکستانلیک کلداردن فایده‌لنیشنی آلدینی آلینیش کمپاینی اوچ هفته‌دن بویان ننگرهار، کنر، لغمان، نورستان، خوست، پکتیا، پکتیکا، غزنی، قندهار و باشقه بیرقطار ولایت‌لرده باشلنگن.
بیراق، ننگرهار، خوست و پکتیا ولایت‌لری نینگ یشاوچیلری، کلدارنی افغانی گه اوزگرتیش‌ده کیچیک و ایسکی پول‌دن صرافلرنینگ حد دن تشقری فایده‌سی و ییگولیک ماده بهاسی کوتریلگنینی یولگه قوییلگن کمپاین گه قرشی اساسی قیین‌چیلیک‌لردن دییشه‌دی.
مذکور ولایت‌لرنینگ مرکزلریده اوتمیش‌گه نسبتن حاضر کوپلب آلیش‌و بیریش‌لر افغانی پول‌گه بوله‌دی، بیراق بو ولایت‌لرنینگ یشاوچیلری، اوشبو جریانده قیین‌چیلیک‌لر موجودلیگی‌دن خواطر بیلدیریشیب، حکومت و سوداگرلردن افغانی پول گه ییگولیک ماده نرخی‌ده اوزگریش کیریتیش‌لرینی سوره‌گن.
پکتیا ولایتی نینگ گردیز شهری یشاوچیلریدن بیرقطاری نینگ ایتیشیچه، اوشبو ولایت نینگ تومن‌لریده حاضرگه‌قدر آلیش‌و بیریش کلدار پولی بیلن بوله‌دی و صرافلر کلدارنی ارزان آلیشه‌دی.
اولرنینگ ادعا قیلیشیچه، صرافلر افغانی پول‌لرنی کوپراق فایده قیلیش اوچون آلدیلریده سقله‌یدی و بو ایش اهالینی قیین‌چیلیک‌که روپه‌ره قیلگن.
عین حالده، صرافلردن بیرقطاری، افغانی پول یوقلیگی باعث، صرافی‌لرینی باغلشگن.
محلی مسؤوللر بو قیین‌چیلیک‌لرنی تَن آلیشیب و ایتیش‌لریچه، ییگولیک ماده بهاسی‌نی کنترول قیلیش‌گه علاوه، کیچیک موضوعی‌نی حل قیلیش خصوصیده، سعی و حرکت قیلیشه‌دی.
ننگرهار حاکمی شاه‌محمود میاخیل، ایریم قیین‌چیلیک‌لر موجودلیگی‌نی تَن آله‌دی، بیراق ایتیشیچه، دولت تامانیدن 200 میلیون افغانی اوشبو ولایت بازاری گه ترقه‌تیلگن.
پکتیا حاکمی شمیم کتوازی نینگ ایتیشیچه، بیر ییل‌دن بویان اوشبو ولایت بازارلریده پاکستانلیک کلداردن فایده‌لنیش منع ایتیلگن و بو حرکت کلدار اورنی گه افغانی پول رواجلنیشی‌گه‌قدر دوام ایته‌دی.
خوست حاکمی نینگ سوزلاوچیسی طالب منگل، اوشبو ولایتده پاکستانلیک کلداردن فایده‌لنیشنی آلدی آلینیش کمپاین مؤفق بولگنینی بیلدیریب ایتیشیچه، بو کمپاین بوتون آلیش‌و بیریش‌لر افغانی پول گه بولگونگه‌قدر دوام ایتیشی ممکن.
خوست حاکمی سوزلاوچیسی نینگ ایتیشیچه، اوشبو کمپاین گه قرشی قیین‌چیلیک‌لر حل ایتیلیشی اوچون خلاف‌کارلر بیلن قانون اساسیده، یانده‌شیله‌دی.
پاکستانلیک کلداردن فایده‌لنیشنی آلدینی آلیش کمپاین باشلنگن ولایت‌لرده دکاندارلرنینگ ایتیشیچه، «افغانی پول‌دن باشقه پوللر اینیقسه پاکستانلیک کلدارگه ماللرینی ساتیشمه‌یدی.»
شو توغریده…
