شاهین آسمایی دوباره به مصاف حاصلات تاجیکستان می‌رود

قرار است شاهین آسمایی نمایندۀ فوتبال افغانستان در مسابقات فوتبال جام باشگاه‌های آسیا 2017 «AFC CUP» فردا (سه‌شنبه) در دیدار بازگشت در برابر رقیب تاجیکستانی‌ خود به میدان برود.

بر بنیاد معلومات داده شدۀ فدراسیون فوتبال افغانستان، این رقابت با میزبانی تاجیکستان ساعت 4:30 بعد از ظهر به وقت افغانستان برگزار می‌شود.

شاهین آسمایی در دیدار رفت در برابر تیم حاصلات تاجیکستان با نتیجۀ یک بر صفر تن به شکست داد، اما انتظارها بر این است که بازیکنان شاهین آسمایی در بازی برگشت حاصلات تاجیکستان را شکست داده و راهی مرحلۀ بعدی این رقابت‌ها شوند.

گفتنی‌ست که تیم حاصلات تاجیکستان در لیگ قهرمانان این کشور مقام دوم را دارد.