مملکت ملی کریکت تیمی اویینچی‌لریدن شاهپور زدران ییگیرمه آوره بیر بیلشووده اشتراک قیلیش اوچون بوگون (سه‌شنبه) بریتانیاگه باردی. اوشبو مسابقه آگست آیی‌نینگ 17- سیده بریتانیالیک ناگران عسک‌لریگه یاردم قیلیش اوچون اوتکزیلیشی کوتیله‌دی.
بریتانیاگه سفر قیلمس‌دن آلدین سلام‌وطندار بیلن صحبت قیلگن جناب زدران، مذکور بیلشووده قتنه‌شیش اوچون بوتونلی تیار ایکن‌لیگی‌نی ایتگن. مملکت ملی کریکت تیمی‌نینگ توپ تشلاووچی اعضاسی نینگ سوزلریگه کوره، اویین‌گه چیقیشی کوتیله‌دیگن تیم‌گه موفق اویینچی‌لر اشتراک قیلیشی کوتیله‌دی. او، مذکور تیم‌گه بارگن‌لیگی‌دن فرخلنه‌دی.
مذکور رقابت‌لر اوچون اویین قیله‌دیگن زدران دنیانینگ تنیقلی اویینچی‌لری ایچیدن تنلنگن. او، « قهرمان‌لراوچون کمک» نامی آستیده اوتکزیله‌دیگن بیلشووده نخبه اویینچی‌لر جمله‌دن شاهد افریدی، اندریو ستروس، مهندرسینگ دوغنی و هرشل گبزلر اشتراک قیله‌دی.
مملکت ملی کریکت تیمی‌نینگ مذکور اویینچی‌سی، نیوزیلند و آسترلیا میزبانلیگی‌ده اوتکزیلگن دنیانینگ ایللیک آوره بیلشوولری همده اروپایی مملکت‌لر میزبانلیگی‌ده اوتکزیلگن ییگیرمه آوره اویین‌لرده اوزیدن شایسته‌لیک کورستگن بیر پیتده دنیا بولیب اوتکزیله دیگن اوشبو اویین‌لرده اشتراک قیله‌دی.
زردان قطار کریکت اویینچی‌لری جمله‌دن نیوزیلندلیک بریندن مکولم، آسترلیالیک میتیو هایدن، جنوبی افریقالیک کریم سمت، سریلانکالیک جیسوریا، بریتانیالیک فوزی ستورم، نیوزیلندلیک تیم‌سوتی، بریندن مکولم، دنیل ویتوری و سکات ستایریس، پاکستانلیک عبدالرزاق وست اندیز اوینچی‌سی برایان لارالر ایچیدن تنلنگن.
کابلده کیلگوسی ایکی آیگچه کریکت‌نینگ آلتی چاچیش تورنمنتی‌نینگ اوچینچی دوری باشلنه‌دی
مملکت کریکت فدراسیونی «آلتی چاپیش» تورنمنت اویینچی‌لری‌نینگ اوچینچی دوری جاری ییل نوامبر آیی‌نینگ اول‌لریده باشله‌نیشی باره‌سیده خبر بیرگن. اما، هنوزگچه هم مذکور تورنمنت‌نینگ قچان باشله‌نیشی انیق ایمس.
عین حالده، اوشبو آی جریانیده مملکت ملی کریکت تیمی انرکانتیننتل‌نینگ ایکنچی دوریده پایوا گینه تیمی بیلن مسابقه‌گه چیقیش اوچون تورت کونگه عرب امرلیک‌لریگه سفر قیلیشی ایتیله‌دی.
مملکت کریکت فدراسیونی‌گه کوره، ملی کریکت تیمی کیلگوسی آیده دنیانینگ ایللیک آوره 5 اویینی و ییگیرمه آوره 2 اویینی‌ده اشتراک قیلیش اوچون زمباوی‌گه باریشی کوتیله‌دی. عین حالده، زمبابوی گزیته‌لریدن «کرونیکل» مذکور بیلشوولر جهانی بولمگن لیگینی رد قیلگن.
اوشبو تورنمنت اوتگن ایکی ییل‌ده آگست آییده اوتکزیلردی، اما بو ییل تیم‌لرنینگ مختلف سطوح‌لرده اویین‌لری بولگنی اوچون اوشبو مسابقه نوامبر آییده اوتکزیلیشی ایتیله‌دی.
