باشکینت کابل یشاوچیلریدن بیرقطاری، اوتگن کیچه پاکستان کریکت تیرمه جماعه سی برابریده افغانستان کریکت تیرمه جماعه سی یوتوققه ایریشگنی باعث، آتیلگن شادیانه اوقلرگه اشاره قیلیب و کابل یشاوچیلری نینگ قورال گه قول تاپیش‌لری کوپه‌یگنیدن خواطر بیلدیرگن‌لر.
یشاوچیلرگه کوره، کابل شهریده تورلی مناسبت‌لر اوچون آتیلگن شادیانه اوقلر شهر یشاوچیلری قورال گه قول تاپیش‌لرینی کورسته‌دی.
یشاوچیلرنینگ ایتیشیچه، پاکستان برابریده افغانستان کریکت تیرمه جماعه‌سی یوتوققه ایریشگنیدن اهالی خرسندلیک بیلدیره‌دی، بیراق بونده‌ی یوتوقلرنی نشانلش طریقه‌سی اهالی گه زیان ییتکیزمه‌ی و یا-ده اولرنینگ آره‌سیده قورقینچ ایجاد قیلمه‌سی کیره‌ک.
جمعه دن شنبه گه اوتر کیچه پاکستان کریکت تیرمه جماعه‌سی برابریده افغانستان کریکت تیرمه جماعه‌سی یوتوققه ایریشگنی اوچون آتیلگن شادیانه اوقلرده کابل یشاوچیلریدن بیرقطاری یره‌لنگن. ایچکی ایشلر وزیرلیگی بیر خبرنامه ترقه‌تیب اوتگن کیچه کابل شهریده شادیانه اوق آتیش گه عیب‌لنگن کمیده 43 کیشی قولگه آلینگنیدن خبر بیرگن.
ایچکی ایشلر وزیرلیگی نینگ خبرنامه‌سیده کیلیشیچه، مذکور کیشی‌لرنینگ آلدیدن بیرقطار ناقانونی قورال توپلنگن.
کابل شهری نینگ یشاوچیلری، ناقانونی قورال گه قول تاپیش کوپه‌یگنی و ناقانونی قوراللی کیشی‌لر شهرده یوریشیدن خواطر بیلدیرگن بیرچاغده، سونگی کونلر باشکینت ده جنایی جرملر میزانی آشگن.
شو توغریده…
توی مراسمی‌ده آتیلگن شادیانه اوقلر نتیجه‌سیده 3 کیشی هلاک ایتیلگن
