افغانستان بشر حقلری ایرکین کمیسیونی، بوگون «دوشنبه» کابل‌ده (بشر حقلریدن مدافعه قیلیش) نامی‌ده ملی بیر ییغین یولگه قویدی.
اوشبو ییغینده سوزگه چیققن بشر حقلری ایرکین کیمسیونی‌نینگ باشلیغی داکتر سیما سمرنینگ ایتیشیچه، بشر حقلری تأمین‌لنیشی برابریده ناتینچلیک اساسی قیین‌چیلیک سنله‌دی، بیراق اونینگ ایشانچی‌گه کوره، بشر حقلری وضعیتی اوتگن ییل‌لرگه نسبَتن یخشی بولگن.
بشر حقلری ایرکین کیمسیونی‌نینگ باشلیغی‌گه کوره، افغانستان اوروش دوامی بولگن مملکت دیر و بونده‌ی بیر مملکتده قربانلیک بیرمس‌دن بشر حقلرینی تأمین‌لب بولمه‌یدی.
خانم سمر، حکومت‌دن اجتماع‌ده بشر حقلری تأمین‌لنیشی خصوصیده، بشر حقلری مدافع‌لریدن حمایه قیلیشی‌نی سوره‌دی.
بیراق، خانم سمرنینگ کوپه‌یتیریشیچه، حاضرگه‌قدر ایریم منطقه‌لرده طالب‌لر، محلی زوره‌وانلر و ناقانونی قوراللی کیشی‌لر، بشر حقلرینی آیاق آستی قیله‌دیلر.
بشر حقلری ایرکین کمیسیونی‌نینگ باشلیغی‌گه کوره، جنایتچی‌لرنی کیچیریش مدنیتی، بشر حقلری برابریده اساسی قیین‌چیلیک‌لردن بیری سنله‌دی و جنایت‌گه سبب بولگن‌لر، حکومت ایشچیسی و باشقه سیاسی تشکیلات‌لرگه باغلیق بولگن‌لری باعث، عدلی و قضایی اداره‌لر تامانیدن تیکشیریلمه‌یدی.
خانم سمر، حکومت‌دن ولایت‌لرده بشر حقلری‌گه قرشی ایش قیله‌دیگن‌لر و زوره‌وانلرنینگ آلدینی آلیشینی سوره‌دی.
عین حالده، اوشبو ییغینده سوزگه چیققن مملکت جمهور رییسی محمد اشرف غنی‌نینگ ایتیشیچه، ملی بیرلیک حکومتی بشر حقلری ارزشلریدن حمایه قیله‌دی.
جناب غنی، بشر حقلری مدافع‌لریدن حمایه قیلیش‌ده حکومت‌نی مسؤول بیلیب و بشر حقلری واقعه‌لری عدلی و قضایی اداره‌لری تامانیدن جدی شکلده تیکشیریلیشی اوستیگه تأکیدله‌دی.
جمهور رییس غنی‌نینگ ایتیشیچه، مدنی اداره‌لر، بشر حقلری کمیسیونی و میدیالرنینگ فعالیت‌لری باعث، بونده‌ی واقعه‌لرنینگ بیر آز آلدی آلینگن.
جناب غنی‌نینگ ایشانچی‌گه کوره، شخصی حریم سقلنگن صورتده، عدلی و قضایی اداره‌لر برابریده یشاوچی‌لرنینگ ایشانچی کوپه‌ییشی ممکن.
جناب غنی‌نینگ کوپه‌یتیریشیچه، حکومت رهبرلیگی، قانون تعیین ایتیش خصوصیده، بشر حقلرینی کوپراق نظرگه آلگن و برچه لایحه‌لر، قانونلر و دستورلر بشر حقلری ارزشلری اساسیده، تعیین ایتیلگن.
شونینگ‌دیک، اوشبو ییغینده سوزله‌گن اروپا بیرلیگی ایلچیسی فرانس مایکل میلیبن، حکومت و باشقه اداره‌لر، بشر حقلری مدافع‌لریدن حمایه ایتیشی اوستیگه تأکیدله‌گن.
عین حالده، افغانستان بوییچه بیرلشگن ملت‌لر تشکیلاتی اورین باسرلیک دفتری یا-ده یوناما رسمی‌لری‌نینگ ایتیشیچه، اولر بشر حقلری خصوصیده، 240 دوسیه قولگه کیریتگن و بشر حقلری مدافع‌لری‌نینگ برابریده‌گی تهدیدلر حاضرگچه خواطرلی دیر.
