بوگون "پنجشنبه" افغانستان سیلاولرینی کوزه تووچی شفافیت ادارهسینینگ سوزلاوچیسی صفرا سعادتنینگ کابلده بیر خبری ییغین آرقهلی ایتیشیچه، نمایندهلر کینگشی سیلاوینینگ نامزدلریدن 108 تهسی سیلاو کمپاینلریده، سیلاولر ایرکین کمیسیونی تامانیدن تعیین ایتیلگن مبلغدن کوپراق مصرف قیلگنلر.
خانم سعادتنینگ ایتیشیچه، اولرنینگ ایشلاوچیلریدن 300 تهسی مملکت 10 ولایتیده سیلاودن نظارت قیلیش قرارینی آلگن ایدی، بیراق ناتینچلیکلر باعث اوشبو ایشنی انجام بیره آلمهیدیلر.
افغانستان سیلاولرینی کوزه تووچی شفافیت ادارهسینینگ باشلیغی نعیم ایوب زادهنینگ ایتیشیچه، مملکت 33 ولایتیده 7500 کیشینی سیلاودن نظارت قیلیش خصوصیده جایلشتیریش اوچون قرار قیلگنلر.
افغانستان سیلاولرینی کوزه تووچی شفافیت ادارهسی مسووللرینینگ ایتیشیچه، اوتگن سیلاولرده قرهگنده نمایندهلر کینگشی سیلاویگه قرشی امنیتی و تخنیکی قیینچلیک کوپ دیر؛ بیراق اولر اولکه یشاوچیلریدن نمایندهلر کینگشی سیلاویده اشتراک قیلیشینی سورهیدیلر.