سیلاوی تیملر و سیلاولردن نظارت قیلووچی نهادلردن قطاری نینگ ایتیشیچه، سیلاولر کمیسیونی هر قندهی بهانه قیلگن حالده، سیلاولر پروسهسی اوزون بولیب و بو پروسه توغریسیده شک و شبهه کوپهیشی ممکن.
افغانستان تنیق سیلاولر بنیادی (تیفا) باشلیغی نعیم ایوبزاده نینگ ایتیشیچه، هر قندهی بهانه سیلاولر کمیسیونی نینگ ضعفی سنلهدی و شونینگدیک سیلاولر پروسهسی نینگ تنیقلیگی ضرر کورهدی.
ایرکین و تنیق سیلاولر کوزهتووچی موسسه (فتوا) باشلیغی محمدقیس یاسینی نینگ ایتیشیچه، سیلاولر ایرکین کمیسونی بوندهی بهانهلر بیلن ایشدن قاچیب و سیلاولر نتیجهسی اعلام ایتیلیشی نینگ آرتده قالیشی اوچون زمینه یرهتهدی.
رحمتالله نبیل رهبرلیگیده خوفسیزلیک و عدالت سیلاو تیمی سوزلاوچیسی یاسین نگاه نینگ ایتیشیچه، سیلاولر پروسهسی باشلنگنیدن حاضرگچه سیلاولر کمیسیونی نینگ بهانه قیلیشی اولرنینگ تنیق بیر سیلاو یولگه قویه آلمسلیکلرینی کورستهدی. بیراق اوشبو کمیسیون مسئوللری سابق سیلاولرده یوزبیرگن فاجعهلرگه توجه قیلیب و بو سیلاوده بایومتریک قیلینگن آوازلر اوستیگه اورغولب مسئولیتلی عمل قیلیشیلری ممکن.
اونگه کوره، انترنت بوزوغلیگی، سیستم بوزوغلیگی یا-ده سیلاوی مادهلر ولایتلردن مرکزگه یتیشمهگنی توغریسیدهگی سیلاولر کمیسیونی مسئوللری نینگ قطار بهانهلری مذکور کمیسیون اوستیدهگی تشقی باسیملر دیر.
یقیینلیک و برقرارلیک سیلاو تیمی اعضاسی فضلاحمد معنوی نینگ ایتیشیچه، بایومتریک قیلینگن آوازلرنینگ سیستم گه اوتکزیش لایحه نینگ کوچسیزلیگی اولرگه خواطر چیقارگن.
جناب معنوی گه کوره، سیلاولر کمیسونی قاغذی آوازلرگه توجه قیلیشی وقت نی ضایع قیلیش دیر و کمیسیون بایومتریک قیلینگن آوازلرنی حسابلهشی کیرهک و بو آوازلر برچه تامانلرگه قبول قیلینهدی.
افغانستان بوییچه آمریکا ایلچیخانهسی توییتر صحیفهسیده یازیشیچه، اوشبو نهاد ایشلاوچیلری سیلاولر کمیسیونی نینگ معلومات مرکزی گه قول تاپگن.
آمریکا ایلچیخانهسی افغانستان یشاوچیلری گه ایشانچ بیریب ایتیشیچه، یالغیز قانونی، تنیق و طرفسیز آوازلر حسابلنهدی. مذکور ایلچیخانه گه کوره، سیلاولر ایرکین کمیسیونی ایشلاوچیلری نینگ سعی و حرکتیدن تقدیر قیلگنلر.