بوگون «چهارشنبه» کابل‌ده خبری بیر ییغین اوتکزگن سیلاولر ایرکین کمیسیونی مسؤوللری‌نینگ ایتیشیچه، سیلاودن نظارت قیلیش خصوصیده، کمیسیون ایشانچ نامه‌سینی قولگه کیریتیش اوچون کیله‌جک هفته دوشنبه کونی سونگی مهلت دیر.
سیلاولر ایرکین کمیسیونی سوزلاوچیسی حفیظ‌الله هاشمی‌نینگ ایتیشیچه، حاضرگه‌قدر سیاسی حزب‌لر شامل 53 اداره و سیلاو کونیدن نظارت قیلیش ایشانچ‌نامه‌سینی قولگه کیریتگن.
سیلاولر کمیسیونی سوزلاوچیسی‌نینگ اورغولشیچه، 28- میزان کونیده سیلاو یولگه قوییلیشی اوچون بوتونله‌ی تیارگرلیک آلینگن و سیلاو زمانی آرتده قالیشی شایعه دیر.
هاشمی‌نینگ کوپه‌یتیریشیچه، آواز بیریش جریانیده ایش چقانله‌نیشی و وقت قولدن کیتمه‌سی خصوصیده، کمیسیون آواز بیریش جریانیده آواز بیرووچیلر تیلفون آلیب کیلمه‌سی توغریسیده قرار قیلگن.
سیلاولر کمیسیونی‌نینگ سوزلاوچیسی، خوفسیزلیک موضوعی‌نی کمیسیون‌نینگ خواطرلریدن بیری بیلیب و خوفسیزلیک اداره‌لری و اهالی‌دن بو توغریده جدی شکلده یاردم بیریش‌لرینی طلب قیلگن.
سلام‌وطندارگه صحبت بیرگن افغانستان ایرکین و عدالت‌لی سیلاو بنیادی یا-ده فیفا اجراییه باشلیغی یوسف رشیدنینگ ایتیشیچه، سیلاودن نظارت قیلووچی اداره‌لر، سیلاو جریانیده شفافیت تأمین ایتیلمه‌سی توغریسیده خواطر بیلدیره‌دی.
اونگه کوره، سیاسی حزب‌لر سیلاو جریانیدن نظارت قیلیش اوچون کوپلب جدیت کورستگن ایدی، لیکن حاضرگه‌قدر کوپینچه‌سی ایشانچ‌نامه آلمه‌گن.
نماینده‌لر کینگشی‌نینگ سیلاوی یولگه قوییلیشی‌گه یالغیز 10 کون قالگن و کون اوتیشی بیلن سیلاو نامزدلری‌نینگ کمپاین‌لری قیزیق بولماقده.
