سلام‌وطندار اجتماعی گزارشلری تیزیمی‌ده، دولت و نادولت اداره‌لریده جنسی زوره‌وانلیک‌که قربان بولگن قطار کیشی‌لر بیلن صحبت اوتکزگن. اوشبو صحبت‌لر توپله‌می بیر خاص لایحه‌گه جایلشتیریلگن. صحبت اوتکزگن‌لرنینگ برچه‌سی‌نینگ آتی مستعار دیر؛ بیراق حکایه‌لر حقیقی.
.jpg)
ستاره: مین دایه‌لیک اوقیگن‌من. ستاژ باسقیچی‌نی اوتکزیش اوچون دولت شفاخانه‌لریدن بیریگه باریشیم‌گه توغری کیلدی. دولت شفاخانه‌سی‌ده ایش محیطی‌نی اونچه‌لیک یخشی تاپمه‌دیم. بیزنی اوقیته‌دیگن داکتر خانم‌لر جنسی مساله‌سی اوچون کوپراق اعتبار بیریب، جنسی سوز و عباره‌لرنی قبینلمس‌دن تیل‌گه آلردی. کونلردن بیر کون قولی‌گه کاندوم آلیب، طلبه‌لر بیریدن کاندوم‌نی قنده‌ی قیلیب فایده‌له‌نیش بارسی‌ده گپریش‌نی سوره‌دی. اویَت‌لنگنیم‌دن باشیم‌نی پس‌گه آلگن ایدیم؛ بیراق، استاد مینگه اعتبار بیریب، باشقچه باقردی. کمینه‌نی یالغوز کورگن‌ده شخصی تیلفون رقمی‌نی بیریب، کوته‌سنگی‌گه کیلیشیم لازم‌لیگینی ایتدی. مین دایم اوندن قورقیب یامان قره‌شلریدن رنج تارتردیم، تکلیفی‌نی تَن آلمس‌دن ایسته‌گی‌نی رد قیلدیم.
زهرا: خصوصی اویوشمه‌لردن بیریده ایش بیلن شغللنردیم. کونلردن بیری اویوشمه‌نینگ مسوولی مین بیلن سلام‌له‌شیش اوچون قولی‌نی اوزه‌تدی. مین ایسه بو ایش‌دن باش تاردیم. مین تامانگه یوزله‌نیب، مجازی سوز بیلن بو ایشینگ برچه‌میزنینگ زیانیمیزگه دیدی. اوشه کوندن‌آق، ایش اداره‌میزنینگ ملازملری مینی بوندن بویان اونگه قول بیریشیم اوچون کم سعی و حرکت آلیب بارمه دیلر البته. مین ایسه فقط اوز قیله‌جک ایشلریم بیلن بند ایدیم. لیکن، مسوول‌گه قول بیرمه‌گن لیگیم اداره‌میزده دالضرب بیر موضوع‌گه ایلنگن ایدی. هر کون ایسه بومساله باره‌سی‌ده مین بیلن تیل تارتیشولری هم بولمس دن کونیمیزاوتمس ایدی. مسوول‌گه قول بیریش یا بیرمس‌لیک مساله کونی کیلیب، بو اداره‌دن استعفا بیریب، ایش‌دن بوشه‌شیم‌گه مجبور بولدیم.
شبنم: جدی شکلده ایش آرتیدن توشگن ایدیم. نیچه وقت اجتماعی بیر تشکیلات‌نی رهبرلیک قیله دیگن بیر عیال بیلن همکار بولدیم؛ لیکن، مذکور خانیم پروژه آلیش‌نی سیره هم بیلمسدی. انه شو باعث اداره‌نینگ وضعیتی هم یخشی ایمس ایدی. آخیرگه کیلیب، اوشبو عیال‌دن اداره‌ده ایش سیزلیک‌دن نالیب، تقدیریم نی یاروتیش‌نی سوره‌دیم. او، مینینگ جوابیم‌گه، بیر پروژه طرحی‌نی ایشلب چیقاریشیم‌نی طلب قیلیب، کیین دونر بیلن تانیشتیریش‌نی ایتدی. نیچه کوندن سونگ ایش اداره‌میزگه کیلگن بیر کیشی‌نی مینگه تانیشتیرگه باشله‌دی بو خانم؛ اونگه کوره، گویا بو ایرکک لایحه آلیش اوچون بیزگه همکارلیک قیله‌دی. نیچه مرته بو کیشی بیلن پروژه ایشی توغریسی‌ده گپیریشدیک؛ اما، استه – سیکین بو عیال کمینه‌نی اوشبو کیشی‌گه ساتگن‌لیگینی سیزدیم؛ عیال‌ده ایسه او بیلن دوست بولیشمی‌نی تکلیف قیلیش قراری هم یوق ایمس ایدی.
فاطمه: ایش اوچون عرضه‌ام نی یوباردیم. مینی مصاحبه‌گه چقیرگن‌لریده، اداره‌گه باردیم. مین دن صحبت آله‌دیگن شخص، دایم بدنمی‌گه قیزیق – قیزیق باقردی. کیله‌جک برنامه‌لریم حقیده سوره‌گن‌ده جواب بیرردیم. کولگیلی قیلیب گپیرردی؛ عجب! قوللب قوتله‌گن اورگه‌نیش یامان ایمس؛ لیکن، او ییرده چیرایلی و یخشی کینگن قیزلر هم یوق ایمس ایدی. مینی بو ییرگه ایش‌گه الیشنی سیره هم اویله‌مسدیم. انه شو سبب باشقه آرتیدن توشمه‌دیم. بیراق، میندن مصاحبه آلگن کیشی، کونلردن بیر کون قونغراق قیلیب، سیزنینگ مصاحبه‌نگیز جوده زور ایدی، افسوس، بیزنینگ ادراه اوچون یخشی کیینیش و چیرایلی بولیش بیرینچی شرط دیدی. افسوس سیزنینگ ایش‌گه قبول قیله آلمیزمیز. بو گپ‌لردن کیین باشقه سوزلرنی تیل‌گه آلیب، عمومن ایسته‌گی یالغوز مین بیلن دوست بولیش ایکن. اوشبو شخص‌نینگ صحبت‌لری روحیم‌گه‌سلبی تاثیر قالدیردی، و اوشه کوندن بیری ایشانچیم‌نی قول‌دن بیردیم.
