بوگون «شنبه» کابل‌ده خبری بیر ییغین اوتکزگن اسلامی جمعیت، اسلامی وحدت، وحدت مردم، گلبدین حکمتیار اسلامی حزبی و محاذ ملی حزب‌لری، سقلش و برقرارلیک ائتلافی و سابق جمهور رئیس حامد کرزی‌نینگ نماینده‌سی، آواز بیرووچیلرنینگ رویخط‌گه آلیش حاضرگی جریانی‌نی فسادگه زمینه یره‌ته‌دیگن، قیین‌چیلیک کیلتیره‌دیگن و ساخته‌کارلیک‌که زمینه یره‌تووچی دیب و آواز بیرووچیلرنینگ رویخط‌گه آلیش جریانیده فنی بایومتریک‌دن فایده‌لنیشی‌نی سوره‌گن‌لر.
سیاسی حزب‌لر و تشکیلات‌لرنینگ اعلامیه‌سیده کیلیشیچه، سیلاولر جریانیدن نظارت قیلینیشی اوچون سیاسی حزب‌لر و طرف‌سیز اداره‌لرگه نظارت اتاقی ایجاد ایتیلیشی لازم. بونگه قوشیمچه، اولر انتقال بیریلمه‌یدیگن واحد آواز تیزیمی نیچه تامانلمه تیزیم‌گه اوزگریشی‌نی سوره‌گن؛ چونکه نیچه تامانلمه تیزیم برچه یشاوچیلر اوچون آواز دن فایده‌لنیش زمینه‌نی بیردیک فراهم قیله‌دی.
اسلامی وحدت حزبی‌نینگ اعضاسی اسدالله سعادتی، برچه سیاسی حزب‌لر و تشکیلات‌لر تامانیدن امضاء قیلینگن اعلامیه‌نی اوقیش جریانیده ایتیشیچه، حکومت و سیلاولر کمیسیونی حاضرگچه یشاوچیلرنینگ وقتی و میلیونلرچه دالرنی بی‌جا صرفله‌گن.
بیراق، سلام‌وطندارگه صحبت بیرگن سیلاولر ایرکین کمیسیونی‌نینگ سوزلاوچیسی‌نی اورین باسری عبدالعزیز ابراهیمی‌نینگ ایتیشیچه، آواز بیرووچیلرنینگ رویخط‌گه آلیش جریانی حاضر تنیق شکلده ایلگری کیتماقده و سیاسی حزب‌لرنینگ ایسته‌گی کیچ و عین زمانده مملکت اساسی قانونی گه قرشی دیر.
عین حالده، سیاسی حزب‌لر و تشیکلات‌لر اعلامیه اداغیده آگاه‌لنتیریشیچه، سیاسی حزب‌لر و تشکیلات‌لرنینگ ایستک‌لریگه دقت قیلینمه‌گن صورتده، اولر حاضرگی وضعیت دوامی آلدی آلینیشی اوچون برچه امکانیت و گزینه‌لردن فایده‌لنیش‌لری ممکن.
