د افغانستان په استازیتوب د هېواد فوټبال غوره لیګ سیالیو اتله (د سپین غربازان) فوټبال لوبډله د سویلي اسیا فوټبال جام سیالیو نیمه پای لوبو ته رسېدلې، چې دغه سيالۍ د بنګله دېش د فوټبال لیګ اتلې لوبډلې "چټاګانګ" پر وړاندې نن ۶ بجې لوبه ترسره کوي.
د افغانستان فوټبال فدراسیون د معلوماتو له مخې، چې د سپین غر بازان لوبډلې د لومړي ورځ وروستۍ لیګ لوبه کې د سریلانکا د کورني فوټبال اتله (سولیډ) لوبډلې ته ۳ د ۱ ګول پر وړاندې ماتې ورکړه.
د بنګله دېش په کوربتوب د شیخ کمال ترنامه لاندې د فوټبال جام سیالیو د رسمي ویبپاڼې د معلوماتو له مخې چې افغانستان په خپل لومړي ګروپ کې لومړی مقام ترلاسه کړ.
د ورکړل شویو معلوماتو له مخې، د سپین غر بازان لوبډله د لوبې تر ۷۵ مې دقیقې پورې ۱ د ۰ په مخکیوالي سره د سریلانکایۍ لوبډلې په بریا روانه وه.
د سیالیو د رسمي پاڼې د معلوماتو له مخې، په وروستیو ۱۵ دقیقو کې د سپین غر بازان لوبډلې له پاره د لوبې په ۷۵ مه دقیقه کې مصطفی افشار، ، په ۸۰ مه دقیقه کې رضا الله یار او په ۸۵ مه دقیقه کې غلام حضرت نیازي ترسره کړ.
سید هاشمي په هراړخیزه لوبې کولو د غوره لوبغاړي جایزه او ۵ سوو امریکایي ډالرو جایزه هم ترلاسه کړه.
دغه راز د لیګ سیالیو څخه په دویمه بریا د سپین غر بازان لوبډلې ته ۱۰۰۰ امریکایي ډالره جایزه هم ورکړل شوه.
په خپل لومړي ګروپ کې د ۳ لیګ سیالیو وروسته افغانستان د کوربه بنګله دیش (ډهاکه محمدان) او د سریلانکا (سولیډ) لوبډلو ته ماتې ورکړې، خو له هندۍ (کلکته محمدان) لوبډلې سره یې سیالۍ برابره پای ته رسولې ده.
د یادونې وړ ده، چې د تېرې ورځې لوبه کې هم د افغانستان په استازیتوب لوبیدونکې سپین غر بازان لوبډلې د تشویق له پاره سلګونه افغان نندارچیان د چټاګانګ فوټبال لوبغالي ته ورغلي وو او خپله افغان لوبډله ېې تر بریا تشویق کړه.
د یادونې وړ ده، چې دغه سیالۍ د سویلي اسیا د ۵ هیوادونو ۸ مخکښو فوټبال کلپونو ترمنځ پیل شوې دي، چې ګټوونکي لوبډلې ته به ۲۵ زره امریکایي ډالره او دویم مقام ګټوونکي لوبډلې ته د ۱۰ زرو امریکایي ډالرو د انعام ورکولو اعلان شوی.
د یادونې وړ ده، چې دا لومړی ځل دی چې د افغانستان په استازیتوب د سپین غر بازان فوټبال لوبډله شاهین اسمایي لوبډلې ته په ماتې ورکولو سره دغو اسیایي فوټبال جام سیالیو ته غوره کیږي.
