سویدن ایچکی ایشلر وزیری اندرس یگمن پاش پنه سوره‌گن قاچقین‌لردن 60 دن 80 گچه‌سی‌نینگ ایسته‌گی بو مملکت تامانیدن رد ایتیلیب، مملکت‌دن چیقاریله‌دی دیگن.
تلگراف کونده‌لیگی‌نینگ مذکور رسمی‌گه اساسلب یازیشیچه، اوشبو قاچقین‌لر نیچه ییل دوامی‌ده بو مملکت‌دن چیقاریله‌دیلر. مهاجرلرنی وطنلریگه قیتریب یوباریش اوچون تجاری طیاره‌لر اجاره‌گه آلینه‌دی.
سویدن میلادی اوتگن ییل جریانیده 160 مینگ قاچقین درخواسیتی قبول قیلگن. بو مملکت 9.8 میلیون جمعیتی بیلن اروپا اتفاقی ایچیده‌گی مملکت‌لرده کته مقدارده مهاجرلرنی قبول قیلگن دولت حسابلنه‌دی. قاچقین‌لر کمپی‌ده بیر عیال‌نی اولدیریلیشی قاچقین‌لر قبول ایتلیشی اوچون ایریم بد بین‌لیکلرنی وجودگه کیلتیرگن.
کیلیب چیقیشی لبان‌لیک الکساندرده مظهر، اخیرگی وقتلرده سومالیالیک اون بیش یاشر بیر ایرکک تامانیدن پیچاقله‌نیب اولدیریلگن ایدی. مظهرنینگ نیمه اوچون اولدیریلگنی هنوز معلوم ایمس.
بو حادثه، سویدن مهاجرلر کمپی‌ده حیات کیچیره دیگن مینگلب یاش‌نی تقدیر سیز قیلدی.
اوروش و خوفسیزلیک قاچقین‌لر میزانی آشگن‌لیگی ینگ بیرینچی دلیلی ایکنی ایتیله‌دی. میلادی 2015- ییل جریانیده یوزلب قاچقین افغانستان، سوریه و عراق‌دن اروپا مملکت‌لریگه یول الدی.
بیرلشگن ملت‌لر تشکیلاتی‌نینگ حساباتی‌گه قره‌گنده، فقط اوتگن بیر آی ایچیده 46 مینگ قاچین یونان سوولریدن اوتییش‌گه موفق بولگن 170 مهاجر ایسه یولده حیاتدن کوز یومگن.
