هرات، بادغیس، فاریاب، جوزجان و سرپل ولایت‌لریده اوتگن ایکی کون جریانیده یوز بیرگن سوو تاشقین‌لری مذکور ولایت‌لرنینگ اهالی‌لری کوپلب مالی و جانی زیان ییتکیزگن.
اوشبو ولایت‌لرنینگ آره‌سیده هرات ولایتی‌نینگ یشاوچیلری کوپلب جانی و مالی زیان کورگن‌لر.
هرات حاکمی‌نی سوزلاوچیسی جیلانی فرهاد نینگ سلام‌وطندارگه ایتیشیچه، گذره، انجیل، زنده‌جان، غوریان، گلران، کشک‌کهنه، کشک رباطسنگی و هرات شهری‌ده سابقه‌سی بولمه‌گن سوو تاشقین‌لر یوز بیرگن.
جناب فرهاد نینگ ایتیشیچه، مذکور سوو تاشقین‌لر باعث، حاضرگه‌قدر 8 کیشی جان بیریب و باشقه 9 کیشی یره‌لنگن دیر.
هرات حاکمی‌نی سوزلاوچیسی نینگ کوپه‌یتیریشیچه، بو سوو تاشقین‌لر نتیجه‌سیده، جانی تلفات چکه‌سیده، اونلرچه مسکونی اوی، مینگ‌لرچه جریب ایکینچیلیک ییر، باغ‌لر، قودوق‌لر، کوپریک‌لر، قتناو یول و تاریخی آبده‌لر تخریب ایتیلگن.
هرات ولایتی بوییچه طبیعی واقعه‌لرگه قرشی کوره‌ش و قیزآی اداره‌سی مسووللری‌نینگ ایتیشیچه، اوشبو اداره‌لرنینگ تیم‌لری زیان کورگن‌لرنی تیکشیرماقده و قطار عایله‌لرگه یاردم بیریلگن.
عین‌حالده، هرات ولایتیده سوو تاشقین‌لردن زیان کورگن عایله‌لردن بیرقطاری‌نینگ همکارلیک‌لر ییتیشمه‌گنی‌دن خواطر بیلدیریب ایتیشیچه، باریوق‌لری نابود بولگن و حکومتی‌نی اولرگه دقت قیلیشی کیره‌ک.
شونینگدیک، بادغیس یشاوچیلری هم سونگی سوو تاشقین‌لردن مالی و جانی زیان کورگن.
بادغیس ولایتی بوییچه طبیعی واقعه‌لرگه قرشی کوره‌ش اداره‌سی‌نی سرپرستی جهانگیر متین نینگ سلام‌وطندارگه ایتیشیچه، بو ولایت 5 تومنیده سوو تاشقین‌لر باعث، 8 کیشی هلاک، 2 کیشی یره‌لنیب و باشقه 5 کیشی درک‌سیز یوقالگن.
شوتوغریده…
- هرات، فاریاب و بادغیس ولایت‌لریده سوو تاشقین‌لر باعث، 15 کیشی جان بیرگن
هرات ده سوو تاشقین‌لر باعث، 10 کیشی جان بیرگن
عین‌حالده، بادغیس حاکمی عبدالغفور ملکزی، تیکشیریش‌لر یکونلنگن‌دن سونگ، زیان کورگن عایله‌لرگه همکارلیک ایتیلیشی‌دن اطمینان بیرگن.
عین‌حالده، فاریاب حاکمی‌نی سوزلاوچیسی احمدجاوید بیدارنینگ سلام‌وطندارگه ایتیشیچه، اوشبو ولایتده سونگی سوو تاشقین‌لرباعث، 8 کیشی هلاک و باشقه 11 کیشی یره‌لنیب و یوقالگن.
اونینگ ایتیشیچه، یوزلرچه دکان، اونلرچه مسکونی اوی و مینگ‌لرچه جریب ایکینچیلیک ییر تخریب ایتیلگن.
شونینگدیک، سرپل و جوزجان ولایتیده یوز بیرگن سوو تاشقین‌لر جانی تلفات چکه‌سیده، مالی زیان ییتیشتیرگن.
سرپل محلی مسووللری نینگ ایتیشیچه، اوشبو ولایت مرکزی و تومن‌لریده 5 کیشی یوقالیب و باشقه یوزلرچه مسکونی اوی، ایکینچیلیک ییر و باغ تخریب ایتیلگن.
عین‌حالده، ملی بیرلیک حکومتی‌نی اجرایی باشلیغی عبدالله عبدالله، طبیعی واقعه‌لرگه قرشی کوره‌ش عالی کمیته‌سی‌نینگ فوق العاده ییغینیده، بو توغریده فعالیت قیله‌دیگن اداره‌لرده زیان کورگن‌لرگه همکارلیک قیلیش دستورینی بیرگن.
