مستعار آتی کبیراحمد دیر. او کابل شهریده جای‌لشگن حبیبه لیسه‌سیده فارغ بولگن و نیچه ییل آلدین کانکور سیناویده اشتراک قیلیب کابل بیلیم یورتی نینگ دارو توزه‌تیش بولیمیده یول تاپیب و بو بولیمدن فراغت سندی قولگه کیریتگن.
تینچلیک بولمه‌گنی، اقتصادی قیین‌چیلیک و اروپا نینگ تینچ فضاسیده حیات کیچیریش اوچون اروپا باریش فکریگه توشگن.
کبیراحمدنینگ ایتیشیچه، اروپا باریش قراری نهایی بولگن و قاچاقچی‌لر بیلن تماس آلیب یولاوچیلیک خصوصیده صحبت قیلگن.
قاچاقچی‌لر اروپا باریش‌نی آسان کورستگن و 10 مینگ دالرگه قرشی اونی آلمان‌گه آلیب باریشیدن ایشانچ بیرگن.
کبیراحمد عایله‌سی‌نینگ قرشی‌لیگی باعث، اروپا باریشی اوستیگه تاکید قیله‌دی، بیراق بیرکون شام چاغیده تصادفی شکلده صدیق‌الله نینگ قاچاق یولی آرقه‌لی اروپا باریش حکایه‌سینی سلام‌وطندار رادیوسیدن ییشیته‌دی. کبیراحمد نینگ ایتیشیچه، صدیق‌الله نینگ حکایه‌سی اونینگ قاچاق یولی آرقه‌لی اروپا باریشیدن وازگیچیشیگه سبب بولگن.
شوتوغریده…
کبیراحمد، صدیق‌الله نینگ حکایه‌سیدن آگاه بولگنی‌دن سونگ، ناقانونی شکلده اروپا باریش‌نی فکریدن چیقاره‌دی.
او حاضرده کابل شهریده بولگن داروخانه‌لردن بیری‌گه شغللنه‌دی و مالی وضعیتی هم یخشی‌لنگن دیر. کبیراحمد، ناقانونی شکلده اروپا باریش فکریده بولگن باشقه یاش‌لردن قاچاقچی‌لرنینگ سوزلریگه اینانمی و ناقانونی مهاجرت‌دن قول تارتیشی‌نی سوره‌یدی.
