امریکا جمهور رییسی دونالد ترامپ تویتر صحیفه‌سیده یازیب ایتیشیچه، قچان سوریه گه هجوم قیلینیشی هیچ زمان ایتیلمه‌گن. اونگه کوره، بو هجوم تیزلیک‌ده یا-ده کیچ عمل‌گه آشیریلیشی ممکن.
اونینگ کوپه‌یتیریشیچه، دولت اونینگ رهبرلیگی‌أه منطقه‌نی داعش‌دن تازه‌لگن؛ بیراق کیم‌سه امریکادن منتدارلیک بیلدیرمه‌گن.
اوتگن کون امریکا جمهور رییسی‌نینگ ایتیشیچه، امریکا موشک آرقه‌لی سوریه گه هجوم قیلیش قرارینی آلگن؛ بیراق سونگ ایتیشیچه، سوریه گه هجوم قیلیش موضوعی تیکشیریلماقده دیر.
عین حالده، بریتانیا باش وزیری ترزامی، سوریه گه قیلینهدیگن هجوم تیکشیریلیشی و بحث گه آلینیشی توغریسیده بریتانیا کابینه‌سینی توپله‌گن. ایتیلیشیچه، بریتانیا حزب‌لریدن بیرقطاری، سوریه گه قرشی هجوم موضوع توغریسیده قرشی فکرده بولگن؛ بیراق حزب‌لردن کوپینچه‌سی‌نینگ ایشانچی‌گه کوره، سوریه دولتی‌نینگ هسته‌یی هجومی قیزیل چیزیغ دن اوتیش دیر.
بریتانیا کابینه‌سی اوشبو مملکت‌نینگ حربی حرکتی‌گه قوشیلیش خصوصیده کیلیگن حالده، بریتانیا حربی‌لری اوچون سوریه عملیاتی‌گه قوشیلیش توغریسیده یول آچیله‌دی.
بیراق، فرانسه جمهور رییسی مکرون نویل‌نینگ ایتیشیچه، حجت‌لرگه کوره سوریه حکومتی «شنبه» کونده‌گی هجوم‌ده هسته‌یی ماده‌لردن قوللنگن. فرانسه جمهور باشلیغی‌گه کوره، اوشبو موضوع بیللی بولگن صورتده، دولت کیله‌جک حرکت‌لری توغریسیده قرار آله‌دی.
شنبه کون دوما منطقه‌سیده صورت تاپکن هجوم‌ده هسته‌یی ماده‌لردن قوللنگنی ایتیله‌دی و بو هجوم نتیجه‌سیده 43 کیشی هلاک بولگن و بو موضوع امریکا و اروپا مملکت‌لری‌نینگ عکس‌العملی گه سبب بولدی.
