سنامجلس نماینده‌لری، افغانستان حکومتی ایچیده تشقی مملکت‌لر مخبرلری حضوری توغری‌سیده خواطر بیلدیردی.
اوشبو نماینده‌لر، سه‌شنبه کون مذکور مجلس عمومی ییغینیده، سابق جهادی رهبرلردن بیری عبدالرب رسول سیاف‌نینگ، تینچ لیک یوکسک کینگشی سابق باشلیغی برهان الدین ربانی‌نینگ اولیمی‌دن نشانلش مراسمی‌ده ایتکن سوزلریدن ایسلب ایتیشیچه، حکومت ایچیده مخبرلر حضور تاپگن و کوپینچه تروریستی هجوم‌لرگه قول اورگن‌لر. اوشبو سناتورلر، حکومت‌دن بو مسئله‌نی جدی صورتده تیکشیریشینی سوره‌دی.
سنامجلسی باشلیغی فضل‌هادی مسلم‌یار، بو توغریده جواب بیریش خصوصیده، جمهورلیک ریاستی ملی امنیت مصلحتچیسی محمدحنیف اتمرنینگ کیله‌سی آی چقیریشینی تیلگه آلدی.
بوندن آلدین، جناب سیاف‌نینگ نیچه مرته ایتیشیچه، بیرقطارلر حکومت ایچیده توریب، حکومت‌دن آی‌لیک آله‌دی، بیراق تشقی مملکت‌لر منفعتی‌گه ایشله‌یدی.
سنامجلسی اعضالریدن بیری نادر بلوچ، مذکور کیشی‌لر حکومت تامانیدن تانیلیب و توتقونگه آلینیشی‌نی سوره‌دی. اونینگ آگاه‌لنتیریشیچه، حکومت اداره‌لریده مذکور کیشی‌لر حضوری باشقریلمه‌گن صورتده، بو قیین‌چیلیک کیله‌جک‌ده مصیبت‌گه اوزگره‌دی.
اوشبو موضوع ایکی کون آلدین، پالمان نماینده‌لریدن بیرقطاری، جناب سیاف‌نینگ سوزلری تیکشیریلیشی‌نی سوره‌گن بیرچاغده، سنامجلسی تامانیدن بحث‌گه آلینگن. بیراق باشقه بیرقطارلرنینگ ایتیشیچه، سیاف‌نینگ بو سوزلریدن مقصد خلق فکرینی بوزیش دیر.
بو بیرینچی مرته حکومت اداره‌لریده مخبرلر حضوری توغری‌سیده خواطر بیلدیریله‌دی، بیراق حاضرگچه بو کیشی‌لرنینگ تانیلیشی و توتقونگه آلینیشی خصوصیده، حکومت تامانیدن هیچ بیر ایش قیلینمه‌گن.
