سنامجلسی اعضالری، مدافعه وزیرلیگیگه عبدالله خان نامزدلیگی و ملی امنیت عمومی ریاستیگه معصوم استانکزینینگ نامزدلیگیگه قرشیلیک کورستدی.
سنامجلسی سناتورلریدن بیرقطارینینگ اورغولب ایتیشیچه، مذکور ایکی کیشی مدافعه وزیرلیگی و ملی امنیت عمومی ریاستی اوچون ایش آدمی ایمس دیب و نمایندهلر کینگشی اعضالریدن اولرگه ایجابی آواز بیرمسلرینی سورهدی.
سنامجلسی اعضاسی زلمی زابلینینگ ایتیشیچه، مدافعه وزیری صفتیده عبدالله خاننی قبول قیلمهیدی.
عین حالده، سنامجلسی باشلیغی فضلهادی مسلمیارنینگ ایتیشیچه، عبدالله خان بیلن معصوم استانکزی ینگیلیکده تیزیمگه کیلمهگنلر. اولرگه ایشانچ آواز بیریش و بیرمسلیک نمایندهلر کینگشیگه تیگیشلی بولهدی.
جمهور رییس سوزلاوچیسی اورین باسری شاهحسین مرتضوینینگ سلاموطندارگه ایتیشیچه، جمهور رییس، عبدالله خاننی مدافعه وزیرلیگی سرپرستی صفتیده و معصوم استانکزینی ملی امنیت عمومی ریاستی سرپرستی صفتیده تانیشتیرگن، اولرگه ایشانچ آواز بیریش و بیرمسلیک نمایندهلر کینگشیگه باغلیق بولهدی.
مملکت جمهور رییسی محمد اشرف غنی، اوتگن هفته ایکی فرمان اساسیده، دگر جنرال عبدالله خاننی مدافعه وزیرلیگی نامزدی صفتیده و معصوم استانکزینی جمهور رییسنینگ مصلحتچی وزیری و ملی امنیت عمومی ریاستی سرپرستی صفتیده تانیشتیرگن ایدی.