سمنگان ولایتی کینگش مسووللری، اوشبو کینگش اعضالریدن بیری و قوم بویوک‌لردن 4 ته‌سینی طالبان تامانیدن اوغیرلنگنی‌دن خبر بیرگن.
سمنگان ولایتی کینگش باشلیغی رازمحمد نینگ بوخبرنی تصدیق‌لب ایتیشیچه، بو کینگش عضاسی سیدالعلیم سادات سمنگان قوم بویوک‌لریدن 4 ته‌سی بیلن کابل باره‌دیگن بیرچاغده چشمه‌شیر نینگ «پل‌گرگر» منطقه‌سیده طالبان تامانیدن اوغیرلنگن.
بغلان قتناو یوللری قومندانی فریدخان اندرابی نینگ ایتیشیچه، طالبان گروهی چشمه‌شیر منطقه‌سیده، بیر موتر یولاوچی‌لرینی اوغیرلگن، بیراق حاضرگه‌قدر اوغیرلنگن کیشی‌لر هویتی بیللی بولمه‌گن.
عین‌حالده، بغلان پولیس قومندانی نیازمحمد نیازمند نینگ ایتیشیچه، طالبان گروهی چشمه‌شیر منطقه‌سیده قاره رنگی بولگن بیر «فولدر» موترنی اوزلری بیلن آلیب کیتگن، بیراق اوغیرلنگن کیشی‌لر هویتی بیللی ایمس.
قطار منبع‌لرنینگ ایتیشیچه، چشمه‌شیر منطقه‌سیده ایکی پوسته تخریب ایتیلگنی سبب، طالبان گروهی گاه‌گاهی عمومی قتناو یولگه چیقیب یولاوچی‌لرنی اوغیرلیدی.
طالبان گروهی حاضرگه‌قدر بو خبرنی تصدیق‌لب یا-ده رد قیلمه‌گن.
