.jpg)
سمنگان ولایتی نینگ شهردارلیگی و ملی خوفسیزلیک ریاستی نینگ برابریده کوچلی پارتلش یوز بیردی.
سمنگان حاکمی اورین باسری صفت‌الله سمنگانی نینگ سلام‌وطندارگه ایتیشیچه، پارتلاوچی ماده توله بولگن بیر موتر اوشبو ولایت نینگ شهردارلیگی و ملی خوفسیزلیک ریاستی نی هدف قرار بیرگن.
اونگه کوره، پارتلش دن سونگ، نیچه هجومچی ملی خوفسیزلیک ریاستی و شهردارلیک ریاستی گه کیریب و دولتی کوچلر بیلن آتیشگن.
جناب سمنگانی نینگ ایتیشیچه، پارتلاوچی ماده توله بولگن موتر پارتله‌شی نتیجه‌سیده جانی و مالی زیان ییتیشگن، بیراق حاضرگه‌قدر دقیقی رقمی معلوم بولمه‌گن.
عین حالده، سمنگان ولایت کینگشی اورین باسری محمدهاشم سروری نینگ ایتیشیچه، حاضرگه‌قدر اوشبو واقعه ده 70 تینچ اهالی یره‌لنگن.
بیراق، سمنگان ولایتیده ساغلیقنی سقلش ریاست باشلیغی عبدالخلیل مصدیق نینگ ایتیشیچه، حاضرگه‌قدر واقعه یوز بیرگن محل دن اوچ باله و بیر عیال شامل 43 یره‌لی کسلخانه گه انتقال بیریلگن.
محل یشاوچیلری نینگ ایتیشیچه، پارتلش کوچلی بولگنی باعث، تینچ اهالی نینگ اویلری بوزیلگن.
طالبان گروهی واقعه مسؤولیتی‌نی بوینیگه آلیب ادعا قیلیشیچه، بو واقعه ده سمنگان ولایتی نینگ ملی خوفسیزلیک ریاستی نی ایشلاوچی‌لریدن 70 ته‌سی هلاک و یره‌لنگن.
