سرپل ولایتی کینگش اعضاسی اسدالله خرمنینگ سلاموطندارگه ایتیشیچه، مذکور ولایت سانچارک تومنینینگ تِبر و تغایخواجۀ قیشلاقلریدن کمیده 2 مینگ عایله آواره بولگن و حاضرده یمان وضعیتده حیات کیچیرهدیلر.
مذکور آوارهلردن بیرقطاری سرپل مرکزی و شبرغان شهریده ییتیشگنلر. اولرنینگ ایتیشیچه، اوقلرنی آستیدن قاچیب چیقگنلر و حاضرده هیچقندی امکانیتلری یوق و یمان وضعیتده تیریکچیلیک قیلهدیلر.
آوارهلرنینگ کوپهیتیریشیچه، طالبلر تینچ اهالی اویلریگه جایلشگنلر و عایله اعضالریدن بیرقطاری اوروش ایچیده قالگنلر.
جایسیز بولگنلر، حکومتدن همکارلیک قیلیشینی سورهیدیلر.
شوتوغریده…
- دشتقلعه اوروشی؛ آوارهلردن کوپینچهسی کسل بولگن
قار و ساووق؛ تخارلیک آوارهلر خیمهده تیریکچیلیک قیلهدیلر
فاریاب؛ آواره بالهلردن بیرقطاری ساووقلیک باعث، اولگن
عینحالده، سرپل حاکمینینگ سوزلاوچیسی ذبیحالله امانی، سانچارک تومنینینگ تبر و تغایخواجه قیشلاقلریدن قطار عایلهلرنینگ آواره بولگنینی تصدیقلیدی.
اونینگ ایتیشیچه، آوارهلر بولگنلرگه یاردم بیریش لایحه باشلنگن.
سرپل حاکمینینگ سوزلاوچیسیگه کوره، محلی حکومت 24 ساعت آلدین احتمالی خطرلر و تهدیدلر بولگنی خصوصیده، اهالیگه معلومات بیرگن ایدی.