سرپل محل رسمی‌لری‌نینگ ایتیشیچه، ولایت مرکزی بیلن کوهستانات تومنی ارا قتناو یول یاپیلگنی باعث، بیش حامله عیال کسل خانه اوزاغلیگی سبب حیاتینی قولدن بیرگن. کوهستانات تومنی یوکسه‌تیش اداره‌سی باشلیغی عزیزالله صابری‌نینگ سلام وطندارگه ایتیشیچه، طالب‌لر «علف سفید» دره‌سیده‌گی تاشلرنی پارتله‌تیب کوهستانات تومنی قتناو یولی‌نی توسگن و حاضر مذکور تومن‌ده ییمک مواد بهاسی اوچ برابر کوپیگن.
جناب عزیزی‌گه کوره، طالب‌لر بیر خبرنامه آرقه‌لی دولت ایشچی‌لری و محل پولیسی‌نی آگاه لنتیرگن، بیر هفته گچه طالب‌لرگه تسلیم بولمسه، عایله‌لری‌نینگ برچه داراییسی‌نی آلیب و اوی‌لری‌نی اوتکه یاندیره‌دی.
سرپل ولایتی عیال‌لر ریاستی باشلیغی نسیمه آرزوگه کوره، کوهستانات تومنی‌ده کسل و حامله عیال‌لر، هیچ بیر کسلخانه مرکزی‌گه قول تاپه‌آلمه‌یدی و بونده‌ی بیر شرایط‌ده مذکور تومن‌ده عیال‌لر قربانلیگی میزانی یوقاری کیته‌دی.
سرپل ولایت کینگشی عضوی محمدحسین مجاهدنینگ سلام‌وطندارگه ایتیشیچه، کوهستانات تومنی بیر آی‌دن بویان طالب‌لر حاکمیتی‌ده بولگن. جناب مجاهدگه کوره، حاضر دولت تازه‌لش عملیات‌نی توخته‌تیب قویگن و مذکور تومن‌نی قیته‌دن آلیش‌گه هیچ بیر ریجه یوق دیر. جناب مجاهدنینگ ایتیشیچه، دولت بو منطقه اهالیسی اوچون چاره تدبیر کورمه‌گن صورتده، تیزلیک‌ده کته انسانی مصیبت‌گه گواه بولیشیمیز ممکن.
انچه پیت آلدین امنیتی کوچلر مذکور تومن‌نی قیته آلیش اوچون، قیلیچ ایکی و خورشید اوچ عملیات‌لرنی یولگه قویگن ایدی؛ بو عملیات بیر هفته‌دن بویان نامعلوم دلیل بیلن توخته‌تیلگن.
