سرپل ولایتی نینگ محلی بلند مرتبه‌لی رسمیلری، 36 یاشیده بولگن گلبدین اسملی بیر یاش – ییگیت قوشنیلرنینگ اوییدن بیریده 9 یاشر بیر قیز یالغوزلیگیدن خبر بولیب، اوشبو اویگه کیریب مذکور قیزنی جنسی زورله‌گندن خبر بیرگنلر.
ولایت رسمیلری، حادثه سرپل شهری نینگ امام خورد منطقه‌سیده یوز بیرگن دیدیلر.
سرپل ولایت والیسی‌نینگ سوزلاووچیسی ذبیح الله امانی، قیزنینگ آته – آنه‌سی دواله‌نیش اوچون شفاخانه‌گه کیتگن بیر پیتده گلبدین اوشبو قیزنی زورله‌گن دیگن.
امانی، حادثه نینگ عاملی ملی امینت اداره‌سی ملازملری تامانیدن قولگه آلینگن دیدی.
شونینگدیک مذکور قیزنینگ خانه‌دانی حکومتدن واقعه نینگ عاملی جدی جزاله‌نیشینی سوره‌گنلر.
