سلام‌وطندارگه صحبت بیرگن سانچارک تومنی‌نینگ ولسوالی و یشاوچیلریدن بیرقطاری‌نینگ ایتیشیچه، مذکور تومن‌نینگ تغای‌خواجه قیشلاغیده طالبان گروهی مردمی کوچلرگه تیگیشلی 40 دن آرتیق اوی‌نی تالان قیلیب و اوندن سونگ، بوزیب تشله‌گن.
اولرگه کوره، مذکور تومنده 38 ولید حربی عملیاتی سُست‌لیک بیلن ایلگری باره‌دی.
سانچارک ولسوالی‌نینگ ایتیشیچه، اوشبو تومن اوروشی طالبان گروهی‌نینگ چیت‌ایللیک مصلحتچی‌لری تامانیدن رهبرلیک قیلینه‌دی.
اونینگ کوپه‌یتیریشیچه، اوتگن ایکی کونلیک آتیشمه جریانیده طالبان گروهی‌نینگ ناملنگن بیر ولسوالی و بیر قومندانی شامل 15 جنگریسی هلاک ایتیلگن و باشقه 20 جنگریسی یره‌لنگن.
شو توغریده…
بادغیس‌ده طالبلر 10 یشش بنانی اوتگه یاندیرگن
طالبلر غورده؛ اوشبو ولایت سابق والیسی‌نینگ اویی‌نی اوتگه تارتگن
غزنی‌ده طالبلر بیر مکتب‌نی اوتگه یاندیرگن
جوزجان قوش‌تیپه تومنیده طالبلر اونلب یشش بنانی اوتگه یاندیرگن
عین حالده، سرپل حاکمی‌نی سوزلاوچیسی ذبیح‌الله امانی‌نینگ ایتیشیچه، 38 ولید حربی عملیاتی طالبان گروهی تینچ اهالی‌نینگ اویلریدن یاشینگنی سبب سُست‌لیک بیلن ایلگری آلیب باریلماقده.
اونگه کوره، سانچارک تومنیده یوز بیرگن اوروش‌دن آواره بولگن یوزلرچه عایله اوچون باش‌پناه و تیز یاردملرگه زمینه یره‌تیلگن.
طالبان گروهی حاضرگچه بو توغریده میدیالرگه هیچ نرسه دیمه‌گن.
