د ولسمشر دویم مرستیال سرور دانش په ولسمشرۍ ماڼۍ کې د عبدالعلي مزاري د مړینې د ۲۳م تلین پرمهال په دولتي ادارو کې د قومونو په متوازن حضور ټینګار وکړ او له اداري اصلاحاتو یې د لویو او کوچنیو ادارو په تشکیلاتو کې د قومي حضور د فیصدي خپرولو غوښتنه وکړه.
د ښاغلي دانش په وینا، په دولتي ادارو کې قومي توازن ښه شوی او په وروستیو کې د اداری اصلاحاتو د قانوني بهیر له لارې مقرریو کې روڼوالی ډېر شوی چې دې چارې د تبعیض مخه نیولې ده.
د ولسمشر د دویم مرستیال په باور، په دولتي ادارو کې قومي ترکیب د ټولو افغانانو اراده ده او کهچېرې پهدې اړه کوم مشکل پېښ شي؛ حل به یې کړي.
