د افغانستان کرېکټ بورډ پخواني اجرایوي رییس شفیقالله ستانکزي نن د خپل شاوخوا ۴ کلن ماموریت د راپور په وړاندې کولو له یادې ادارې سره مخه ښه وکړه.
نوموړي په دې اړه جوړه شوې غونډه کې وویل، په داسې حال کې چې په یوه رسمي سفر تللی و، د افغانستان د کرېکټ لپاره یې لابي کوله او د رسنیو له لارې خبر شو چې له دندې ګوښه شوی دی.
د ستانکزي په وینا، که څه هم د بنسټلیک له مخې یې دنده د راتلونکي ۲۰۲۰ کال د جون میاشتې په ۲۹مه نېټه پای ته رسېده، خو د ولسمشر پرېکړې ته درناوی لري او خوښ دی چې یوه ځواکمنه اداره نورو ته پرېږدي.
د شفیقالله ستانکزي په وینا، دده په مشرۍ کرکټ بورډ اداری د ۱۰ کلونو مزل په ۳ کلونو کې وکړ او د افغانستان د کرکټ په بیلا بیلو برخو کې تاریخي لاسته راوړنې لري.
هغه دغه راز وویل، دا چی اصولو او افغانستان ته ژمن وو نو دنده یی له سختیو او چیلینجونو ډکه وه خو په خپل ماموریت ویاړي او د افغانستان د کرکټ له پاره خدمت ته راتلونکې کی هم چمتو دی خو داوس له پاره غواړي چې ارام وکړي او له کورنۍ سره وخت تیر کړي.
د شفیق الله ستانکزي په وینا، په ټکسي کې افغان کرېکټ بورډ ته راغلی و، په ټکسي کې به بېرته ځي او خپله کاري موده کې یې له کرېکټ بورډ سره هېڅ ډول خیانت نهدی کړی.
اسدالله خان تر نړۍوال جامه د کرېکټ بورډ سرپرست اجرایوي مشر شو
د کرېکټ بورډ نوي مشر د بېلابېلو ارزونو خبر ورکړ
شاپورځدران: فضلي وړتیا نهلري او شفق ستانکزی دې هم ګوښه شي
افغانستان نېغ په نېغه د کرېکټ نړۍوال جام ته لاره پیدا کړه
