.jpg)
سالیق وزیرلیگی مسؤوللری‌نینگ ایتیشیچه، ملی سوداگرلر و سالیق بیرووچی‌لرنی آلقیش‌لش و حمایه قیلیش اوچون 1398- مالی ییل‌نینگ بیرینچی 6 آیی اوچون سالیق جنایت‌لری کیچیریلیشی توغریسیده قرار قیلینگن.
سالیق وزیرلیگی‌نی سوزلاوچیسی شمعروزخان مسجدی‌نینگ ایتیشیچه، قویاش 1381- ییل‌دن 1386- ییل‌گچه سالیق‌لرینی توللمه‌گن سالیق بیرووچی‌لر، جاری ییل‌نینگ حوت آیی‌نی آخریگچه سالیق‌لرینی 10% جریمه بیلن توللگن صورتده، جریمه‌نی 90% کیچیریله‌دی.
جناب مسجدی‌نینگ کوپه‌یتیریشیچه، سالیق بیرووچی‌لر سالیق‌لرینی کیچیکتیریب کیله‌جک ییل جوزا آیی‌نینگ آخریگچه 20% جریمه بیلن تول‌لگنده، جریمه‌نی 80% کیچیریله‌دی.
سالیق وزیرلیگی سوزلاوچیسی‌نینگ ایتیشیچه، بو فرصت یالغیز 8 مینگ شرکت توغریسیده عمل‌گه آشیریله‌دی.
بیراق، اقتصادی ایش بیلرمانلردن بیرقطاری، سالیق جریمه‌لری کیچیریلیش دوامی‌نی حکومت منفعتی‌گه ایمس دیب ایتیشیچه، بو ایش سلبی نتیجه‌لرگه سبب بوله‌دی.
.jpg)
اقتصادی ایش بیلرمان محیب‌الله شریف‌نینگ ایتیشیچه، سالیق جریمه‌لری کیچیریلیشی قانون عملی بولیشی گه توسیق بوله‌دی و بو ایش دوام ایتگن صورتده، کیله‌جک‌ده قانون گه اوزگریشی ممکن.
بیراق، سالیق وزیرلیگی سوزلاوچیسی‌نینگ ایتیشیچه، بو استثنا قانون گه اوزگرمه‌یدی.
سالیق وزیرلیگی بوندن آلدین، 1397- مالی ییل‌ده سالیق جریمه‌لریدن 95% کیچیریلیش ریجه‌سینی اجرآت گه قویگن ایدی.
سالیق وزیرلیگی مسؤوللری‌نینگ ایتیشیچه، اوشبو ریجه نتیجه‌سیده، 9 مینگ شرکت اوتگن ییل‌نینگ قوس آیی‌گچه حسابی‌نی تازه‌لب و 20 میلیارد افغانی سالیق جریمه‌لری کیچیریلدی و 1381- ییل‌دن 1386- ییل‌گچه توللنمه‌گن 10 میلیارد افغانی‌دن آرتیق سالیق توپلنگن.
