سلام‌وطندارگه ییتیشگن حجتلر اساسیده، ساغلیک وزیرلیگی نینگ سابق وزیری فیروزالدین فیروز، ناقانونی عمل‌لر و فساد گه عیب‌لنگن.
حجت‌لرنینگ کورستیشیچه، ساغلیک وزیرلیگی نینگ سابق وزیری فیروزالدین فیروز مذکور وزیرلیک چوکی‌سیگه ایگه بولگندن کیین، افغانستان حکومتدارلیگی نی کوچلنتیریش یا «GIA» و ساغلیک وزیرلیگی اداره‌سی نینگ مدیریت قیلیش کورس موسسه‌لری و افغانستان تدقیقاتی نامیده قطار کتته و کیچیک پروژه‌لرنی اوز شخصی موسسه‌لریگه تاپشیریش گه علاوه، افغانستان حکومتدارلیگی نینگ کوچلنتیریش موسسه‌سی نی مالی و اداری اورین باسری شفیق‌الله شهیم نینگ بیرینچی‌ده ساغلیک سیستم‌لرنی کوچلنتیریش اداره ریاستی گه تعیین‌لب و کیین ایسه اونینگ مالی و اداری معینیتی گه یول بیرگن.
شونینگدیک جناب فیروز اوز رهبرلیگی‌ده بولگن افغانستان ساغلیک اداره‌سینی مدیریت قیلیش کورس موسسه‌لری و افغانستان تدقیقاتی نینگ عمومی باشلیغی هدایت‌الله استانکزی نی هم اوز مصلحتچیسی صفتیده ساغلیک وزیرلیگی ده تعیین قیلگن.
منبعلرنینگ ایتیش‌لریچه، مذکور اوچ کیشی «فیروز، شهیم و استانکزی» ساغلیک وزیرلیگی ده جایلشگندن کیین، بیربیراولرینی همکارلیگی بیلن نیچه پروژه جمله‌دن غزنی ولایتی نینگ «کلستر دوم» پروژه‌سینی تدارکاتی باسقیچ‌لرینی اوتکزمه‌سدن اوز رهبرلیک‌لریده بولگن موسسه‌لرگه تاپیشیرگن.
بو توغریده ساغلیک وزیرلیگی نینگ سابق وزیری فیروزالدین فیروز نینگ فکرینی اورگه‌نیش ایسته‌دیک، بیراق تکرار قونغراق و پیام‌لر بیلن موفق بولمه‌دیک.
شونینگدیک تشقی ایشلر وزیرلیگیدن سلام‌وطندارنینگ اختیاری گه قرار تاپگن مکتوب‌لرنینگ کورستیشیچه، ساغلیک وزیرلیگی نینگ سابق وزیری فیروزالدین فیروز، قابله‌لرنینگ خلق‌ارا 31- کانگرسی گه اشتراک ایتیش اوچون بولگن مکتوب نی امضالب و اونینگ طی مراحل بولیشی نی سوره‌گن. مذکور مکتوب ده داکتر فیروز نینگ نامی گه علاوه، منابع بشری باشلیغی محمدداوود عظیمی و مذکور وزیرلیک سکرتری مصطفی شریفی نینگ آتی کورینه‌دی.
منبعلرنینگ سلام‌وطندارگه ایتیش‌لریچه، داکتر فیروز نینگ اوغلی مصطفی شریفی ساغلیک وزیرلیگی نینگ ایشلاوچیسی ایمس و کانادا گه باریش اوچون وزیرلیک نینگ سکرتری نامیده رخصت بیریلیب و سفر گه شامل بولگن. منبع گه کوره، جناب فیروز نینگ اوغلی باشقه افغانستان گه قیتمه‌گن.
شونینگدیک بو عیبلاولر توغریسیده دکتر فیروز نینگ فکری نی آلیش ایسته‌دیک بیراق او بو توغریده هم سلام‌وطندار بیلن سوزلش گه حاضر بولمه‌دی.
ساغلیک وزیرلیگی سوزلاوچیسی اکمل سمسور، کانادا گه سفر قیلگن ایشلاوچی‌لرنینگ حقیده ایتیشیچه، ساغلیک وزیرلیگی نینگ مصطفی شریفی نامیده هیچ بیر ایشلاوچیسی یوق ایکن.
جناب سمسور گه کوره، اولرنینگ معلوماتی اساسیده میلادی 2017- ییل ده کانادا گه قابله‌لرنینگ 31- کانگرسی گه اشتراک ایتیش اوچون یالغیز جناب فیروز و ساغلیک وزیرلیگی نینگ منابع بشری باشلیغی داوود عظیمی سفر قیلگن. بیراق جناب سمسور جناب شهیم و استانکزی قنده‌ی تعیین‌لنیشی و پروژه‌لرنی آلیشی توغریسیده معلومات بیریشدن وازکیچگن.
قابله‌لر جمغرمه‌سی باشلیغی زهرا میرزایی نینگ ایتیشیچه، میلادی 2017- ییل ده قطار قابله‌لر مذکور وزیرلیک آدرسیدن بو جلسه ده اشتراک قیلگن. خانم میرزایی گه کوره، ساغلیک وزیرلیگی آدرسیدن جلسه گه اشتراک قیلیش اوچون کانادا گه سفر قیلگن قابله‌لرنینگ افغانستان ده کیلگنی یا-ده کیلمه‌گنی توغریسیده معلوماتی یوق دیر.
بوندن آلدین اونلرچه وینتلاتور پاکستان گه قاچاق ایتیلیشی، کرونا گه قرشی کوره‌ش یاردم‌لریگه موجود فساد و شونگه اوخشش ساغلیک وزیرلیگی ده باشقه موضوعلر خصوصیده بولگن فساد اهالی نی خواطرگه سالگن ایدی.
