زهره مهدی، مرکزی آسیا فوتبال حوزه‌سی نینگ اداره سی تامانیدن اوشبو حوزه نینگ آسیا فوتبال کنفدراسیون اجرایی کمیته سی‌نینگ نماینده‌سی ایتیب تعین لندی. اوشبو کمیته آسیا فوتبال کنفدراسیون چهار چوبه سیده مرکزی آسیا فوتبال حوزه‌سی ایجاد ایتیلیشی مناسبتی بیلن اوتکزگن ییغینده اوشبو خانیم نماینده تعین ایتیلگنیدن خبر بیرگن.
زهره مهدی بوندن بویان آسیا فوتبال کنفدراسیون کمیته سیده مرکزی آسیا فوتبال حوزه سی‌نینگ نماینده سی اولراق وظیفه بجریشی کوتیله‌دی؛ بو ایسه افغانستان فوتبال تیمی اوچون ییریک یوقوت سنله‌دی.
افغانستان فوتبال فدراسیون اداره سیدن نشر ایتیلگن خبرنامه ده، افغانستان فوتبال فدراسیون رییسی کرام‌الدین کریم اجراییه کمیته سی‌نینگ اعضاسی تعین ایتیلگن.
شونینگ‌دیک افغانستان فوتبال فدراسیونی‌نینگ عمومی منشی‌سی علی‌رضا آقازاده اوشبوکنفدراسیون اورین باسری همده مذکور حوزه نینگ خلق ارا علاقه‌لر مسوولی ایتیب تعین لنگن.
افغانستان فدراسیون فوتبالی، آسیا فوتبال کنفدراسیون چهارچوبه سیده مرکزی آسیا حوزه‌سی ایجاد ایتیلیشی‌نی تکلیف قیلگن‌لیگی‌نی ادعا قیلگن. ایتیلشیچه مذکور تکلیف دنیا بولیب فوتبال فدراسیونی همده آسیا فوتبال کنفدراسیونی آرقه‌لی تصدیق لنگن.
زهره مهدی نینگ مذکور لاوازمگه تعین ایتیلیشی افغانستان‌لیک خاتین قیزلر استعدادینی نمایش‌گه قوییش اوچون ییریک تاثیرگه ایگه لیگی ایتیله‌دی. اوشبو فدراسیونگه افغانستان قوشیمچه ایران، تاجیکستان، قرغزستان، ترکمنستان و اوزبیکستان اعضالیک قیله‌دی.
