.jpg)
زهره نینگ آنه‌سی دانه‌گل نیچه وقت آلدین ایری دن طلاق آلگن و 5 کیچیک باله نینگ آنه‌سی دیر. اونینگ ایتیشیچه، ایری مخدره ماده گه بنگی بولگن ایکن و شو یوزه‌دن اوندن اجره‌لگن.
تخار ولایتی نینگ مرکزی تالقان شهری «غریب‌بچه» قیشلاغی نینگ یشاوچیسی دانه‌گل نینگ سلام‌وطندارگه ایتیشیچه، ایری کمیده ایکی آی آلدین 7 یاشر زهره نی 30 مینگ افغانی بدلی ده تالقان یشاوچیلریدن بیری گه ساتگن.
اونگه کوره، ایری زهره نی اویدن اوغیرلب و اوندن کیین ساتگن.
زهره نی ساتیب آلگن عبدالغنی نینگ ایتیشیچه، بو قیزنینگ آته‌سی بیرینچی دن اونینگ اوستیگه 200 مینگ افغانی قیمت قویگن ایکن، بیراق چانه‌دن سونگ، 30 مینگ افغانی بدلی ده اونگه بیرگن.
عبدالغنی نینگ ایتیشیچه، بیر تاماندن انسان دوستلیک و باشقه بیر تاماندن اویی‌ده کیچیک باله یوقلیگی باعث، زهره نی آلیش گه قرار قیلگن.
بیراق، بو واقعه‌دن کمیده ایکی آی اوتگنیدن سونگ، اوتگن کون تخار ولایتی بوییچه ایش و ا جتماعی ایشلر ریاستی، زهره نی عایله سیگه قیترگن.
عین حالده، تخار ولایتیده باله‌لردن حمایت قیلیش بولیم مسؤولی معراج‌الدین محمودی نینگ ایتیشیچه، ایش و اجتماعی ایشلر ریاستی بو باله نی ییتیم خانه گه یوباریب و تربیه‌لنیشی خصوصیده، زمینه یره‌تیشی کیره‌ک.
ایتیش کیره‌ک کیم، بوندن آلدین هم تالقان شهریده باشقه بیر عایله کم‌بغل‌لیک و قشاقلیک باعث، چقه‌لاغینی ساتگن ایدی.