زابل ولایتی کینگش باشلیغی حاجی آغا عطاجان وغزنی ولایتی کینگش اعضالریدن بیری نصیر احمد فقیری ایتیشیچه، 31 یولاوچی اوغیرلنگنلردن ایکیته سی زابلده دنیادن اوتگن. زابل ولایتی کینگش باشلیغیگه کوره، اولگنلردن بیری یاشی کیتگن ایکن، هوا ساووغیدن اولگن و ینه بیری ایسه حربی کوچلری دن بولگن لیگی اوغیرلنگنلر تامانیدن اولدیریلگن.
عطاجان کوپه یتیریشیچه، اوغیرلنگن لر زابل ولایتی نینگ خاک افغان تومنیده اسره له دی و اوغیرلگنلر بدخشانده قیدگه آلینگن اورتاقلرینی، قیدگه آلینگن یولاوچیلر بیلن المشتیریلیشی نی ایسته گنلر.
شونینگ دیک ملی بیرلیک حکومت اجرایی رییسی عبدالله عبدالله، امنیتی قیینچ لیک لر و قیدگه آلینگن 31 یولاوچی جانی خطرده قالیشی اوچون کوره شیشلر برچه جزئیاتی نی ترقه ته آلمسلیکلرینی بیان قیلدی.
بوگون 17- حمل جناب عبدالله وزیرلر کینگشی اولتیریشیده، اوغیرلنگن یولاوچیلر آزاد ایتیلیشی اوچون جدی شکلیده ایش جریانی بارلیگینی بیلدیردی.
اجرایی ریاست باشلیغی 31 یولاوچی اعایله اعضاسیگه اولادلرینی قویب یوباریلیشی اوچون بارکوچلریدن ایش آلیشه میز دیگن ایشانچنی بیردی.
شونینگ دیک ملی مجلس بیرینچی اورین باسری ظاهر قدیر، بوگونکی مجلس عمومی اولتیریشیده ایتیشیچه، قوم ایریم آقسقاللریگه شخصی پولیدن اوغیرلنگنلرنی قویب یوباریش اوچون واقعه محلی گه یوبارگن.
جناب قدیر مذاکره قیلیش محلی توغری سیده بیرنرسه دیمه گن، اما اوغیرلنگن یولاوچیلر اوچون مذکور مذاکره اونملی واقع بولیب یاردم بیریشیگه کوز توتگن.
یولاوچیلر اوچون کون ساین ناراضلیک لر کوپه یب بارماقده. بوگون مذکور یولاوچیلر اعایله اعضاسی و یشاوچیلر قوشیمچه کابل زرنگار پارکیده ییغین اوتکزیب، یولاوچیلرنی تیزلیک ده قویب یوباریلیشی نی سوره گنلر.
مذکور یولاوچیلر اعایله اعضاسی اوشبو پارکده خیمه اورگنلر.
اوتگن ییل حوت آیی نینگ تورتینچی سیده 31 یولاوچی زابل ولاتیگه قرشلی کابل – قندهار شاه یولیده اوغیرلنگن ایدیلر.
نیچه کون آلدین اجرایی ریاست ایکینچی اورین باسری محمد محقق اظهاراتیگه کوره، 31 یولاوچی اوغیرلنیشیگه داعش گروهی نینگ ایکی قومندانی نی قولی بار.
